తెలుగు సినీ ఇండస్ట్రీలో ఎంతో మంచి గుర్తింపు సంపాదించుకొని సుమారు 75 సంవత్సరాల పాటు సినీ కళామతల్లికి ఎన్నో సేవలు అందించినటువంటి దివంగత నటుడు అక్కినేని నాగేశ్వరరావు శత జయంతి వేడుకలు ఎంతో ఘనంగా జరిగిన సంగతి మనకు తెలిసిందే. అన్నపూర్ణ స్టూడియోలో పంచలోహ విగ్రహాన్ని ఆవిష్కరిస్తూ ఈ శత జయంతి వేడుకలను ఘనంగా ప్రారంభించారు. అక్కినేని నాగేశ్వరరావు వారసుడు అయినటువంటి నాగార్జున తన తండ్రి శత జయంతి వేడుకలను ఎంతో ఘనంగా నిర్వహించాలన్న ఉద్దేశంతోనే తన తండ్రికి ఎంతో ఇష్టమైనటువంటి అన్నపూర్ణ స్టూడియోలో తన తండ్రి విగ్రహాన్ని ఆవిష్కరించారు.
ఈ విగ్రహం మాజీ ఉపరాష్ట్రపతి వెంకయ్య నాయుడు చేతుల మీదుగా ఆవిష్కరించారు. ఇక ఈ కార్యక్రమంలో భాగంగా ఎంతో మంది టాలీవుడ్ సెలబ్రిటీలు పాల్గొని సందడి చేశారు అయితే ఈ కార్యక్రమానికి బాలకృష్ణ చిరంజీవి మాత్రం దూరంగా ఉన్నారు. ఈ కార్యక్రమానికి బాలయ్య దూరంగా ఉండటంతో కొన్ని వార్తలు వైరల్ అవుతున్నాయి. బాలకృష్ణకు నాగార్జునకు గత కొంతకాలం నుంచి విభేదాలు ఉన్నాయి. ఈ మధ్యకాలంలో వీరిద్దరు ఎక్కడ కలిసిన సందర్భాలు కూడా లేవు.
అందుకే ఇప్పుడు కూడా బాలకృష్ణ (Balakrishna) ఈ కార్యక్రమానికి దూరంగా ఉన్నారు అంటూ కొందరు భావిస్తున్నారు అయితే ప్రస్తుతం బాలకృష్ణ హైదరాబాద్ లో లేరని చంద్రబాబు నాయుడు అరెస్ట్ కావడంతో ఈయన రాజమండ్రిలోనే ఉన్నారు.అందుకే ఈ కార్యక్రమానికి రాలేకపోయారనే కారణం కూడా వినబడుతుంది. ఇక మెగా ఫ్యామిలీ నుంచి రామ్ చరణ్ ఈ కార్యక్రమంలో పాల్గొని సందడి చేశారు. అయితే చిరంజీవి మాత్రమే ఈ కార్యక్రమానికి దూరంగా ఉన్నారు.
చిరంజీవి మోకాలి సర్జరీ కారణంగా ఆయన విశ్రాంతి తీసుకుంటున్న సంగతి తెలిసిందే. అందుకే ఈ కార్యక్రమానికి హాజరు కాలేదు కానీ ఏఎన్ఆర్ గారి శత జయంతి వేడుక సందర్భంగా చిరంజీవి సోషల్ మీడియా వేదికగా స్పందిస్తూ …శ్రీ అక్కినేని నాగేశ్వరరావు గారి శత జయంతి ఉత్సవాల సందర్భంగా ఆప్యాయంగా, గౌరవపూర్వకంగా ఆ మహానటుడికి నివాళులర్పిస్తున్నాను అంటూ పోస్ట్ చేశారు. ప్రస్తుతం ఈ పోస్ట్ వైరల్ అవుతుంది.
మార్క్ ఆంటోనీ సినిమా రివ్యూ & రేటింగ్!
ఛాంగురే బంగారు రాజా సినిమా రివ్యూ & రేటింగ్!
సోదర సోదరీమణులారా సినిమా రివ్యూ & రేటింగ్!
