Samantha: సమంత కోపం వెనుక అసలు రీజన్ ఇదేనా?

November 26, 2021 / 04:19 PM ISTByFilmy Focus

Join Us

Samantha: సమంత కోపం వెనుక అసలు రీజన్ ఇదేనా?

విడాకుల ప్రకటన తర్వాత సమంత సినిమాల విషయంలో వేగం పెంచిన సంగతి తెలిసిందే. పుష్ప పార్ట్1లో స్పెషల్ సాంగ్ కు గ్రీన్ సిగ్నల్ ఇచ్చి ప్రేక్షకులను ఆశ్చర్యపరిచిన సమంత తాజాగా ఒక ఇంటర్నేషనల్ ప్రాజెక్ట్ కు గ్రీన్ సిగ్నల్ ఇచ్చారు. తన సినీ కెరీర్ లోనే బోల్డెస్ట్ రోల్ లో సమంత ఈ సినిమాలో నటించనున్నారని సమాచారం. ఫిలిప్ జాన్ అనే డైరెక్టర్ డైరెక్షన్ లో ‘అరేంజ్‌మెంట్స్ ఆఫ్ లవ్’ పేరుతో ఈ సినిమా తెరకెక్కనుంది.

ఇంగ్లీష్ లో ఈ సినిమాను తెరకెక్కించి ప్రాంతీయ భాషలలో రిలీజ్ చేయనున్నారని తెలుస్తోంది. సమంత ఈ పాత్రతో సంచలనాలను క్రియేట్ చేయడం ఖాయమనే కామెంట్లు సోషల్ మీడియా వేదికగా వినిపిస్తున్నాయి. మరోవైపు సమంత చైతన్య పుట్టినరోజున శుభాకాంక్షలు చెప్పకపోవడం గురించి సోషల్ మీడియా వేదికగా చర్చ జరుగుతోంది. సమంత, చైతన్యలలో విడాకుల ప్రకటన తర్వాత సమంత ఎక్కువగా ఫ్రస్టేషన్ తో కనిపించారు. చైతన్యతో విడిపోవడం తనకు బాధను కలిగిస్తోందని ఇన్ స్టాగ్రామ్ పోస్టుల ద్వారా సమంత చెప్పకనే చెప్పేశారు.

గతంలో సినీ జంటలు విడిపోయినా విడాకుల తర్వాత ఆ జంటలు ఫ్రెండ్లీగా ఉన్నాయి. అయితే చైతన్య విషయంలో సమంత హర్ట్ అయిందని చైతన్యపై ఉండే కోపాన్ని చూపించాలనే ఉద్దేశంతో ఆమె విషెస్ కూడా చెప్పలేదని సమంత ఫ్యాన్స్ భావిస్తున్నారు. సమంత చైతన్యతో ఇష్టం లేకుండానే విడిపోయారని ఫ్యాన్స్ అభిప్రాయపడుతున్నారు. భవిష్యత్తులో చైతన్యతో విడిపోవడం గురించి సమంత స్పందిస్తారేమో చూడాల్సి ఉంది.