కొండా సురేఖ కామెంట్లు ప్రస్తుతం సోషల్ మీడియా వేదికగా సంచలనం సృష్టిస్తున్నాయి. టాలీవుడ్ సెలబ్రిటీలు అంతా ఐకమత్యంతో కొండా సురేఖ కామెంట్లను ఖండించిన సంగతి తెలిసిందే. అయితే బాలయ్య మాత్రం కొండా సురేఖ కామెంట్లపై ఇప్పటివరకు రియాక్ట్ కాలేదు. బాలయ్య రియాక్ట్ కాకపోవడం గురించి పోసాని కృష్ణమురళి ఫైర్ అయిన సంగతి తెలిసిందే.
అయితే కొండా సురేఖ కామెంట్ల విషయంలో బాలయ్య రియాక్ట్ కాకపోవడానికి వేరే కారణాలు ఉన్నాయని తెలుస్తోంది. రేవంత్ సర్కార్ తో బాలయ్యకు మంచి అనుబంధం ఉంది. గతంలో బాలయ్య సోదరి భువనేశ్వరిపై వైసీపీ నేతలు కామెంట్లు చేయగా ఆ సమయంలో నాగార్జున కానీ ఇండస్ట్రీ కానీ స్పందించలేదు. బాలయ్య ప్రస్తుతం టీడీపీ ఎమ్మెల్యేగా ఉండగా నాగ్ వైసీపీకి పరోక్షంగా పలు సందర్భాల్లో మద్దతు ఇచ్చారు.
ఏపీలో సినిమా టికెట్ రేట్లు తగ్గించిన సమయంలో సైతం నాగ్ టికెట్ రేట్ల తగ్గింపు వల్ల తన సినిమాకు నష్టం లేదనే కామెంట్లు చేసిన సంగతి తెలిసిందే. రేవంత్ తో ఉన్న అనుబంధం వల్ల కాంగ్రెస్ మహిళా నేత కామెంట్ల గురించి రియాక్ట్ కావడానికి బాలయ్య ఇష్టపడలేదని కామెంట్లు వ్యక్తమవుతున్నాయి. బాలయ్య రాబోయే రోజుల్లో మాత్రం ఈ వివాదం గురించి స్పందించే ఛాన్స్ అయితే ఉంది.
బాలయ్య బాబీ సినిమాతో ప్రస్తుతం బిజీగా ఉండగా ఈ సినిమా సంక్రాంతి రేసులో ఉంటుందో లేదో క్లారిటీ రావాల్సి ఉంది. సితార నిర్మాతలు భారీ స్థాయిలో ఈ సినిమాను నిర్మిస్తుండగా బాలయ్య బాబీ మూవీ బాలయ్య కెరీర్ లో బిగ్గెస్ట్ హిట్ గా నిలవాలని ఫ్యాన్స్ కోరుకుంటున్నారు. దసరా కానుకగా ఈ సినిమాకు సంబంధించి క్రేజీ అప్ డేట్స్ వచ్చే అవకాశాలు అయితే ఉన్నాయి. బాలయ్య బాబీ కాంబో మూవీ సంక్రాంతి రేసులో నిలిస్తే కచ్చితంగా హిట్టవుతుందని ఫ్యాన్స్ భావిస్తున్నారు.
