Prakash Raj, Sri Hari: నటులు ప్రకాష్ రాజ్,శ్రీహరి ల రిలేషన్ గురించి మనకు తెలియని విషయాలు..!

June 19, 2021 / 11:58 AM ISTByFilmy Focus

Join Us

Prakash Raj, Sri Hari: నటులు ప్రకాష్ రాజ్,శ్రీహరి ల రిలేషన్ గురించి మనకు తెలియని విషయాలు..!

టాలీవుడ్ నటులు ప్రకాష్ రాజ్, శ్రీహరి ల గురించి ప్రత్యేక పరిచయం అవసరం లేదు. ఇద్దరూ కూడా వారి నటనతో మెప్పించి ప్రేక్షకుల గుండెల్లో చెరగని ముద్ర వేసుకున్నవారే.! హీరోలుగా,విలన్లుగా, క్యారెక్టర్ ఆర్టిస్టులుగా ఇలా అన్ని రకాలుగా వీరు ప్రూవ్ చేసుకున్నారు.అయితే ప్రకాష్ రాజ్ కంటే శ్రీహరి హీరోగా పలు హిట్లను కూడా అందుకున్నారు.ఇదిలా ఉండగా.. వీళ్ళిద్దరూ నిజజీవితంలో బంధువులు అన్న సంగతి బహుశా ఎక్కువ మందికి తెలిసి ఉండదు.

‘అదెలా..? శ్రీహరి తెలుగు రాష్ట్రాలకు చెందిన వ్యక్తి, ప్రకాష్ రాజ్ కర్ణాటకకు చెందిన వ్యక్తి. ఇద్దరు ఎలా బంధువులు అవుతారు?’ అనే డౌట్ మీకు రావచ్చు. వివరాల్లోకి వెళితే.. శ్రీహరి భార్య డిస్కో శాంతి అలాగే ప్రకాష్ రాజ్ మొదటి భార్య లలిత కుమారి ఇద్దరు అక్క చెల్లెలు. తెలుగు వారికి డిస్కో శాంతి మాత్రమే పరిచయం. లలిత కుమారి గురించి పెద్దగా ఎవరికీ తెలిసి ఉండకపోవచ్చు. డిస్కో శాంతి నాన్నగారు సి.ఎల్ ఆనంద్ గారు కన్నడ , తమిళ, మలయాళ సినిమాల్లో క్యారెక్టర్ ఆర్టిస్ట్ గా చేశారు.

పలు సినిమాల్లో ఆయన విలన్ గా కూడా చేసి మెప్పించి ఎన్నో అవార్డులను కూడా సొంతం చేసుకున్నారు. ఈయన పెద్ద కూతురు లలిత కుమారిని నటుడు ప్రకాష్ రాజ్ కు ఇచ్చి పెళ్లి చేశారు ఆనంద్ గారు. అయితే రెండో అమ్మాయి డిస్కో శాంతి.. నటుడు శ్రీహరి ని ప్రేమించి పెళ్లి చేసుకుంది. ప్రకాష్ రాజ్.. లలిత కుమారి విడిపోయిన సంగతి తెలిసిందే. అయినప్పటికీ ప్రకాష్ రాజ్, శ్రీహరి లు నిజ జీవితంలో తోడల్లుళ్లు అవుతారన్న మాట. ‘శివాజి'(2000) ,’నువ్వొస్తానంటే నేనొద్దంటానా’ , ‘బృందావనం’ వంటి సినిమాల్లో శ్రీహరి, ప్రకాష్ రాజ్ లు కలిసి నటించారు.