ఒక్కోసారి ఒక్కొకరి టైం నడుస్తూ ఉంటుంది. ఓ హీరోకి అనుకొని విధంగా ఓ భారీ సక్సెస్ పడింది అంటే అది అతనికి కలిసొచ్చే టైం అని అర్థం. ఆ టైంలో సినిమా అనుకున్నంత హిట్ అయితే ప్రాబ్లెమ్ ఏమీ ఉండదు. అనుకున్నదానికి మించి హిట్ అయితే మాత్రం పెద్ద ప్రాబ్లం వస్తుంది. అది ఆ చిత్ర దర్శకుడికి, హీరోకి అదనపు భారం అవుతుంది. రాజమౌళి వంటి సామర్ధ్యం కలిగిన దర్శకులకు అయితే పర్వాలేదు.. కానీ పూరి లాంటి కంగారు మాస్టర్ కు అయితే పెద్ద ఇబ్బంది.
2003 లో ఎన్టీఆర్- రాజమౌళి కాంబినేషన్లో వచ్చిన ‘సింహాద్రి’ చిత్రం ఎంత పెద్ద హిట్ అయ్యిందో ప్రత్యేకంగా చెప్పనవసరం లేదు.ఆ సినిమాకి ఎన్టీఆర్ వయసు 20సంవత్సరాలు కూడా పూర్తవ్వలేదు .. కానీ ఆ చిత్రంతో స్టార్ హీరో అయిపోయాడు. అతని మార్కెట్ పదింతలు పెరిగిపోయింది . చిరు, రజినీ కాంత్ లు కూడా అతని మాస్ పెర్ఫార్మన్స్ చూసి షాక్ తిన్నారు. తరువాతి సినిమాకి అతని పారితోషికం 3 ఇంతలు పెరిగింది. అలాంటి టైములో ఎన్టీఆర్ నుండీ వచ్చిన మూవీ ‘ఆంధ్రావాలా’.అప్పటికి ‘అమ్మ నాన్న ఓ తమిళ్ అమ్మాయి’ ‘శివమణి’ వంటి హిట్లతో సూపర్ ఫామ్లో ఉన్న పూరి చేసిన మూవీ ఇది.
‘ఆంధ్రావాలా’ ఆడియో కూడా సూపర్ హిట్ అయ్యింది. ఆ ఆడియో రిలీజ్ ఫంక్షన్లు చూసి బాలీవుడ్ మీడియా సైతం షాక్ తింది. ఆ రేంజ్ లో సినిమాని ప్రమోట్ చేశారు. కానీ 2004.. జనవరి 1న విడుదలైన ‘ఆంధ్రావాలా’ చిత్రం ఘోర పరాజయం పాలయ్యింది. ఇక్కడ ఇంకో విచిత్రం ఏమిటంటే.. ‘ఆంధ్రావాలా’ ను అదే టైంలో కన్నడంలో పునీత్ రాజ్ కుమార్ తో ‘వీర కన్నడిగ’ గా రూపొందించాడు మెహర్ రమేష్. 2004 జనవరి 2న ఈ చిత్రం అక్కడ విడుదలయ్యింది.
విచిత్రంగా ఇది సూపర్ హిట్ అయ్యింది. తెలుగులో ఈ సినిమా ఫ్లాప్ అవ్వడానికి కారణం హరికృష్ణ అని కొందరు సీనియర్ విశ్లేషకుల అభిప్రాయం. ఈ సినిమాలో ఎన్టీఆర్ డబుల్ రోల్ చేశాడు. అతనే ఫాదర్ రోల్ కూడా చేయడం మైనస్ అయ్యిందట. ఆ రోల్ కనుక హరికృష్ణ చేసి ఉంటే సినిమా సూపర్ హిట్ అయ్యుండేది అని కొందరి అభిప్రాయం. ఆ టైంలో సీతయ్య సినిమా సూపర్ హిట్ అవ్వడంతో హరికృష్ణ మార్కెట్ కూడా బాగానే పెరిగింది
18 పేజెస్ సినిమా రివ్యూ& రేటింగ్!
ధమకా సినిమా రివ్యూ& రేటింగ్!
ఈ ఏడాది ఓవర్సీస్ లో 1 మిలియన్ కొట్టిన సినిమాల లిస్ట్..!
టాప్ 10లో తెలుగు ఇండస్ట్రీ నుండి ఎన్ని సినిమాలు ఉన్నాయంటే..?
Home