టాలీవుడ్లో అందరూ మర్చిపోయిన మల్టీ స్టారర్ సంస్కృతిని మళ్ళీ తీసుకొచ్చిన ఘనత విక్టరీ వెంకటేష్ గారికే చెందుతుంది. ఓ పక్క స్టార్ హీరోలతోనూ అలాగే కుర్ర హీరోలతోనూ నటించడానికి ఈయన ముందుంటున్నారు.’ఈనాడు’ ‘సీతమ్మ వాకిట్లో సిరిమల్లె చెట్టు’ ‘మసాలా’ ‘గోపాల గోపాల’ ‘ఎఫ్2’ ‘వెంకీమామ’ వంటి మల్టీ స్టారర్ సినిమాలు చేసారు ఆయన. ప్రస్తుతం వరుణ్ తేజ్ తో ‘ఎఫ్2’ సీక్వెల్ అయిన ‘ఎఫ్3’ మూవీలో కూడా నటిస్తున్నారు. అయితే వెంకీ కామెడీ టైమింగ్ కి ఏమాత్రం తీసిపోని రవితేజతో కూడా ఓ మల్టీ స్టారర్ మూవీలో నటించాలని వెంకీ అనుకున్నారట.
అందుకు ఓ రీమేక్ సినిమాని కూడా సెలెక్ట్ చేసుకున్నారు. కానీ ఆ ప్రాజెక్టు కార్యరూపం దాల్చలేదు. ఇంతకీ వెంకటేష్- రవితేజ కాంబోలో మిస్ అయిన సినిమా ఏంటో తెలుసా? ‘జిల్లా’..! తమిళ స్టార్ హీరో విజయ్ నటించిన మూవీ ఇది. అంతేకాదు మలయాళం స్టార్ హీరో మోహన్ లాల్ కూడా ఈ చిత్రంలో కీలక పాత్ర పోషించారు. పక్కా కమర్షియల్ సినిమా ఇది. తమిళ్ తో పాటు మలయాళంలో సూపర్ హిట్ అయ్యింది ‘జిల్లా’.
నిజానికి ఈ చిత్రాన్ని వెంకటేష్- రవితేజ లతో చేయాలని కొంతమంది నిర్మాతలు ప్రయత్నించారు. అందుకే మొదట ‘జిల్లా’ ని తెలుగులో డబ్ అవ్వకుండా కొన్ని రోజులు ఆపారు. కానీ తెలుగు ప్రేక్షకులకు తగ్గట్టు ఏ దర్శకుడు స్క్రిప్ట్ రెడీ చేయలేకపోయాడు. అందుకే ‘జిల్లా’ రీమేక్ ఆలోచన మార్చుకున్నారు వెంకీ, రవితేజ లు..! భవిష్యత్తులో వీరి కాంబోలో ఏమైనా మూవీ వస్తుందేమో చూడాలి..!
Most Recommended Video
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!
Home