రాజ్ అండ్ డీకే డైరెక్షన్ లో వచ్చిన ది ఫ్యామిలీ మ్యాన్ సీజన్ 2 హిందీ వెర్షన్ బ్లాక్ బస్టర్ హిట్టైన సంగతి తెలిసిందే. అమెజాన్ ప్రైమ్ లో రిలీజైన ఫ్యామిలీ మ్యాన్ సీజన్ 2 అంచనాలను మించి సక్సెస్ సాధించింది. విడుదలకు ముందు రాజీ పాత్ర వివాదాల్లో చిక్కుకున్నా వెబ్ సిరీస్ రిలీజైన తర్వాత రాజీ పాత్ర పోషించిన సమంతకు ఊహించని స్థాయిలో ప్రశంసలు దక్కాయి. అయితే ఫ్యామిలీ మ్యాన్ 2 తెలుగు వెర్షన్ వీక్షించాలని అనుకునే వాళ్లు తెలుగులో వెబ్ సిరీస్ అందుబాటులోకి రాకపోవడంతో నిరాశకు లోనయ్యారు.
రాజ్ అండ్ డీకే తాజాగా మాట్లాడుతూ వెబ్ సిరీస్ ను అన్ని భాషల్లో ఒకే సమయంలో విడుదల చేయాలని భావించినా కరోనా విజృంభణ, లాక్ డౌన్ నిబంధనల వల్ల తీవ్ర అడ్డంకులు ఎదురయ్యాయని తెలిపారు. తెలుగుతో పాటు తమిళంలో ఫ్యామిలీ మ్యాన్ 2 రిలీజ్ కావాల్సి ఉండగా క్వాలిటీగా అనువాదాలను అందించాల్సి ఉండటంతో ఆలస్యమవుతోందని రాజ్ అండ్ డీకే వెబ్ సిరీస్ ఆలస్యానికి గల కారణాలను వెల్లడించారు. డబ్బింగ్ విషయంలో అస్సలు రాజీ పడటం లేదని అందువల్ల కొంచెం ఆలస్యంగానే ఫ్యామిలీ మ్యాన్ 2 తెలుగు వెర్షన్ రిలీజవుతుందని రాజ్ అండ్ డీకే తెలిపారు.
ఫ్యామిలీ మ్యాన్ 2 ఇతర భాషల్లో వచ్చినా ఒరిజినాలిటీని కోల్పోకూడదని ప్రస్తుతం డబ్బింగ్ ప్రక్రియ జరుగుతోందని రాజ్ అండ్ డీకే అన్నారు. అతి త్వరలో ఫ్యామిలీ మ్యాన్ 2 తెలుగు వెర్షన్ చూసే అవకాశాలు అయితే ఉన్నాయని చెప్పవచ్చు.
Most Recommended Video
బాలకృష్ణ మిస్ చేసుకున్న సినిమాల లిస్ట్.. హిట్లే ఎక్కువ..!
సింహా టైటిల్ సెంటిమెంట్ బాలయ్యకి ఎన్ని సార్లు కలిసొచ్చిందో తెలుసా?
26 ఏళ్ళ ‘పెదరాయుడు’ గురించి ఈ 10 సంగతులు మీకు తెలుసా?
Home