Chiranjeevi: చిరంజీవి బర్త్‌డే సర్‌ప్రైజ్‌లు ఇవే!

ఆగస్టు 22.. చిరంజీవి అభిమానులకు ఎప్పుడూ పండగే. అభిమాన కథానాయకుడి పుట్టిన రోజును ఘనంగా జరుపుకుంటూ ఉంటారు. చిరంజీవి పాటలు వింటూ, సినిమాలు చూస్తే, పోస్టర్లు షేర్‌ చేస్తూ ఎంజాయ్‌ చేస్తుంటారు. అయితే గత కొన్నేళ్లుగా చిరంజీవి సినిమాలు సెట్స్‌ మీద ఉన్నవి తక్కువే కావడంతో ఆ రోజు అప్‌డేట్లు తక్కువగా వచ్చేవి. అయితే ఈ ఏడాది చిరంజీవి నుండి, అతని నిర్మాతల నుండి పెద్ద ఎత్తున అప్‌డేట్స్‌ వస్తాయి.

అన్నీ అనుకున్నట్లుగా జరిగి, గతంలో వచ్చిన అనౌన్స్‌మెంట్లు బట్టి చూస్తే.. ఈ ఏడాది ఆగస్టు 22న చిరంజీవి ఫ్యాన్స్‌కు ఆరు సర్‌ప్రైజ్‌లు వస్తాయి. అందులో మూడు సినిమాలు సెట్స్‌ మీద ఉన్నవి కాగా, మరో సినిమాలు ప్రకటనలు వచ్చేవి. అనౌన్స్‌మెంట్‌ అయిన సినిమాల అప్‌డేట్లు ఏముంటాయి అని అనుకోవచ్చు. ప్రస్తుతం సెట్స్‌ మీద ఉన్న సినిమాలు చివరిదశకొచ్చాయి అని చెబుతున్నారు. ఆ లెక్కన వచ్చే ఏడాది ప్రథమార్ధంలో కొత్త సినిమాలు స్టార్ట్‌ అవుతాయనే మాట వినిపిస్తోంది. దీంతో పక్కాగా సర్‌ప్రైజ్‌లు అదిరిపోతాయి.

ముందుగా సెట్స్‌ మీద ఉన్న సినిమాల సంగతి చూస్తే.. మోహన్‌ రాజా దర్శకత్వంలో రూపొందుతున్న ‘గాడ్‌ ఫాదర్‌’ సినిమాకు సంబంధించి బిగ్‌ అప్‌డేట్‌ వస్తుంది. ఎందుకంటే చిరంజీవి నుండి అతి త్వరలో రాబోయే సినిమా అదే కాబట్టి. టీజర్‌ లాంటిది ఆ రోజు ఎక్స్‌పెక్ట్‌ చేయొచ్చు. మలయాళ హిట్‌ సినిమా ‘లూసిఫర్‌’కి ఇది రీమేక్‌ అనే విషయం తెలిసిందే. ఇక మెహర్‌ రమేశ్‌ దర్శకత్వంలో చిరంజీవి ‘వేదాళం’ రీమేక్‌ చేస్తున్న సంగతి తెలిసిందే. ‘భోళా శంకర్‌’గా తెరకెక్కుతున్న ఈ సినిమా అప్‌డేట్‌ కూడా ఆ రోజు ఉంటుంది.

ఇక చిరంజీవి ఫ్యాన్స్‌కి ఫుల్‌ కిక్‌ ఇస్తా అంటూ బాబి తెరకెక్కిస్తున్న చిత్రం ‘వాల్తేరు వీరయ్య’ (టైటిల్‌ అధికారికంగా ప్రకటించలేదు). ఈ సినిమా నుండి డబుల్‌ ఫీస్ట్‌ ఉంటుంది అని సమాచారం. ఇప్పటివరకు ఈ సినిమా ప్రీ లుక్‌లు తప్ప లుక్‌ బయటకు రాలేదు. ఈ మూడు కాకుండా సెట్స్‌మీదకు రాని మరో మూడు సినిమాలు ఉన్నాయి. అందులో తొలుతది డీవీవీ దానయ్య నిర్మాణంలో వెంకీ కుడుముల తెరకెక్కించనున్న చిత్రం. ఈ సినిమా అనౌన్స్‌మెంట్‌ ఇప్పటికే అయ్యింది. దీని నుండి ఓ పోస్టర్‌ రావొచ్చు.

నటి రాధిక నిర్మాణంలో ఓ సినిమా చేయడానికి చిరంజీవి ఆ మధ్య అంగీకరించారు. ఆ విషయాన్ని రాధికనే స్వయంగా వెల్లడించారు. దీనికి సంబంధించి కాన్సెప్ట్‌ పోస్టర్‌ వస్తుందని అంచనా. ఆ రోజు ఈ సినిమా దర్శకుడు ఎవరు అనేది కూడా తేలుతుందట. ఇది కాకుండా మారుతి దర్శకత్వంలో ఓ సినిమా చేస్తా అని చిరంజీవి ఇటీవల వెల్లడించారు. యూవీ క్రియేషన్స్‌ నిర్మాణంలో ఈ సినిమా ఉంటుంది అంటున్నారు. సో ఫ్యాన్స్.. ఫీస్ట్‌కి రెడీ అయిపోండి.

‘సీతా రామం’ చిత్రానికి సంబంధించి బెస్ట్ డైలాగ్స్..!

Most Recommended Video

తరుణ్,ఎన్టీఆర్ టు కళ్యాణ్ రామ్.. సినిమాల్లో చనిపోయే పాత్రలు చేసిన స్టార్లు..!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?