థియేటర్లలో సరైన స్పందన లేని సినిమాలు ఓటీటీల్లో అదరగొడుతున్నాయి. ఇంకొన్ని సినిమాలు థియేటర్లలో వావ్‌ అనిపించి.. ఓటీటీల్లో ఇంకా సూపర్‌ అనిపిస్తున్నాయి. ఆ వివరాలన్నీ ఫ్యాన్స్‌కు ఫుల్‌ ఖుష్‌ చేస్తున్నారు. దీంతో ఓటీటీలు ప్రతి వారం లేకపోతే కొత్త సినిమా / సిరీస్‌ వచ్చినప్పుడు ట్రెండింగ్‌ వివరాలు వెల్లడిస్తూ వస్తున్నాయి. అలా తాజాగా అమెజాన్‌ ప్రైమ్‌, నెట్‌ఫ్లిక్స్‌ కొత్త వివరాలను వెల్లడించాయి. దీంతో ఆ రెండు విషయాలు సోషల్‌ మీడియాలో ట్రెండింగ్‌లో ఉన్నాయి. అన్నట్లు ఆ విషయాలు కూడా ట్రెండింగ్‌ గురించే.
థియేటర్‌లకు దీటుగా ప్రేక్షకులకు వినోదాన్ని పంచడానికి ఓటీటీ ఎప్పుడూ సిద్ధంగా ఉంటున్నాయి. అందుకే ప్రతి వారం ఒక కొత్త సినిమా లేదంటే షో ఇంకా లేదంటే సిరీస్‌ను తీసుకొస్తున్నాయి. అలా ఈ వారం అజిత్‌ కథానాయకుడిగా తెరకెక్కిన ‘తునివు’ విడుదలైంది. ఈ సినిమా తెలుగు వెర్షన్‌ ‘తెగింపు’ పేరుతో అదరగొడుతోందని నెట్‌ఫ్లిక్స్‌ వెల్లడించింది. ఇక్కడో విషయం ఏంటంటే ఈ సినిమా సంక్రాంతి సీజన్‌లో రావడం, అప్పటికే తెలుగులో పెద్ద సినిమాలు ఉండటంతో తెలుగు ప్రేక్షకులు థియేటర్లలో ఆశించిన స్థాయిలో చూడలేదు అని టాక్‌.
యాక్షన్‌ థ్రిల్లర్‌ ‘తునివు’ (Thunivu). తెలుగులో ‘తెగింపు’ పేరుతో ప్రేక్షకుల ముందుకు వచ్చింది. కొద్ది రోజుల క్రితమే ప్రముఖ ఓటీటీ వేదికగా నెట్‌ఫ్లిక్స్‌లో స్ట్రీమింగ్‌ మొదలవగా, ఈ మూవీని తెగ చూసేస్తున్నారట. నెట్‌ఫ్లిక్స్‌ టాప్ ట్రెండింగ్‌లో ‘తునివు’ ఉన్నట్లు సదరు ఓటీటీ సంస్థ వెల్లడించింది. బ్యాంకు దోపిడీ కథతో వినోద్‌ యాక్షన్‌ థ్రిల్లర్‌గా మూవీని తెరకెక్కించారు. మరోవైపు అమెజాన్‌ ప్రైమ్‌ వీడియో వేదికగా టాప్ ట్రెండింగ్‌లో ఉన్న వెబ్‌సిరీస్‌ ‘ఫర్జీ’ (Farzi). షాహిద్‌ కపూర్‌, విజయ్‌ సేతుపతి,
రాశీఖన్నా కీలక పాత్రల్లో నటించిన ఈ వెబ్‌సిరీస్‌ను రాజ్‌ అండ్‌ డీకే తెరకెక్కించారు. చిత్రకారుడైన కథానాయకుడు దొంగనోట్లను ఎందుకు ముద్రించాలనుకున్నాడు? ఆ క్రమంలో అతడికి ఎదురైన సవాళ్లు ఏంటి? తదితర ఆసక్తికర కథా,కథనాలతో ఈ వెబ్‌సిరీస్‌ను తెరకెక్కించారు. ప్రైమ్‌ వీడియోలో స్ట్రీమింగ్‌ అవుతున్న ఈ సిరీస్‌ను కూడా అత్యధికమంది వీక్షించినట్లు సదరు ఓటీటీ సంస్థ తెలిపింది. ఈ రెండూ డబ్బు నేపథ్యంలో తెరకెక్కినవి కావడం గమనార్హం.
సార్ సినిమా రివ్యూ & రేటింగ్!
‘గజిని’ మూవీ మిస్ చేసుకున్న హీరోలు ఎవరంటే?
టాప్ 10 రెమ్యూనరేషన్ తెలుగు హీరోలు…ఎంతో తెలుసా ?
కళ్యాణ్ రామ్ నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?
