రెండున్నరేళ్లకు పైగా విరామం తర్వాత పవర్ స్టార్ పవన్ కళ్యాణ్ ను పూర్తి స్థాయిలో తెర మీద చూడబోతున్న ఉత్సాహంలో ఉక్కిరి బిక్కిరి అయిపోతున్నారు అభిమానులు. వారి ఉత్సాహాన్ని రెట్టింపు చేస్తూ మేకింగ్ వీడియోతో రచ్చ రచ్చ చేశాడు పవన్ కళ్యాణ్. ఈ వీడియో చూస్తేనే ‘సర్దార్ గబ్బర్ సింగ్’ ఎలా ఉండబోతుందో ఓ ఐడియాకు వచ్చేశారు ఫ్యాన్స్. ఇక తాజాగా విడుదల అయిన టీజర్ కేవలం 20 సెకన్లే ఉంది. ఇందులో డైలాగులు కూడా లేవు.
కాబట్టి ఆదివారం ఆడియో వేడుక వరకు కాలక్షేపానికి మాత్రం పనికొస్తుంది. ఆడియో విడుదలయ్యాక సినిమా విడుదల వరకు అభిమానుల్ని ఎంగేజ్ చేయాలంటే డోస్ ఇంకా పెద్దగా ఉండాలి. అది అర్థం చేసుకునే ‘సర్దార్ గబ్బర్ సింగ్’ ట్రైలర్ ను అదిరిపోయే రేంజిలో రూపొందించారట. పవన్ దగ్గరుండి మరీ కట్ చేయించిన ఈ ట్రైలర్ సెన్సేషన్ క్రియేట్ చేయబోతోందని టాక్. పవన్ స్టయిల్, యాటిట్యూడ్ చూపించేలా ఈ ట్రైలర్ తీర్చిదిద్దారట. పంచ్ డైలాగులు ఓ రేంజిలో పేలాయని.. సినిమా హిలేరియస్ ఎంటర్టైనర్ గా ఉండబోతోందనే సంకేతాన్ని ఈ ట్రైలర్ ఇస్తుందని చెబుతున్నారు.
