ఇంకో రెండ్రోజుల్లో మరో శుక్రవారం రానుంది. ఎప్పట్లానే బోలెడు సినిమాలు రిలీజ్ కి రెడీగా ఉన్నాయి. ఆ సినిమాలేంటో చూద్దాం.. కమెడియన్ సప్తగిరి హీరోగా చేస్తున్న రెండో ప్రయత్నం “సప్తగిరి ఎల్.ఎల్.బి”, హిందీ చిత్రం “జాలీ ఎల్.ఎల్.బి”కి రీమేక్ గా రూపొందుతున్న ఈ చిత్రం రేపు (డిసెంబర్ 7) విడుదలవుతోంది. అలాగే సుమంత్ నటించిన “మళ్ళీ రావా” ఈ శుక్రవారం విడుదలవుతోంది. ఇప్పటికే ఈ సినిమాపై మంచి పాజిటివ్ బజ్ క్రియేట్ అవ్వడంతో ఈ సినిమాతో సుమంత్ సూపర్ హిట్ కొడతాడన్న టాక్ వినిపిస్తోంది. నందు-శ్రీముఖి జంటగా నటించిన బీటెక్ “బాబులు”, “వానవిల్లు” అనే రెండు చిన్న సినిమాలు కూడా విడుదలవుతున్నాయి.
వీటితోపాటు హిందీ చిత్రం “ఫక్రీ రిటర్న్స్” కూడా డిసెంబర్ 8న విడుదలవుతోంది. మొదటి పార్ట్ మంచి హిట్ అవ్వడంతో సీక్వెల్ పై మంచి అంచనాలున్నాయి. అలాగే హాలీవుడ్ చిత్రం “మార్క్ ఫెల్ట్” కూడా శుక్రవారం ప్రేక్షకుల ముందుకు వస్తోంది. ఈ సినిమాపై మంచి అంచనాలున్నాయి, లియామ్ నీసన్ టైటిల్ పాత్రలో నటించడం సినిమా కథాంశం ప్రత్యేక ఆకర్షణలుగా ఈ చిత్రం విడుదలవుతోంది. మరి ఈ సినిమాల్లో ఎవరు విజయం సాధిస్తారు ఎవరు సాయంత్రానికల్లా సైలెంట్ అయిపోతారు అనే విషయం తెలియదు కానీ.. మూవీ లవర్స్ కి మాత్రం మంచి టైమ్ పాస్ ఈ శుక్రవారం.
Home