అక్కినేని ఫ్యామిలీ ప్రేముకుల మయం

ప్రేమ కథా చిత్రాలకు అక్కినేని నాగేశ్వరరావు పెట్టింది పేరు. విజయవంతమైన ప్రేమలకంటే విఫలమైన కథలతోనే ఏయన్నార్ బ్లాక్ బస్టర్ అందుకున్నారు. రీల్ లైఫ్ లో అక్కినేని ప్రేమను గెలిపించుకోకపోయినా.. అతని వారసులు రియల్ లైఫ్ లో ప్రేమను పెళ్లి దాకా తీసుకెళ్లారు. అక్కినేని నట వారసుడు అక్కినేని నాగార్జున మొదట పెద్దలు కుదిర్చిన అమ్మాయి లక్ష్మిని పెళ్లి చేసుకున్నారు. కానీ తోటి నటి అమలను ప్రేమించారు. ఈ విషయాన్నీ భార్యతో పాటు కుటుంబ సబ్యులకు చెప్పి తొలి భార్యతో విడాకులు తీసుకొని అమలను 1992 లో పెళ్లి చేసుకున్నారు. మొదటి భార్యకు నాగచైతన్య, రెండో భార్యకు అఖిల్ పుట్టారు. వీరిద్దరూ నాగ్ నట వారసులుగా సినీ రంగంలో అడుగుపెట్టారు.

నటనలోనే కాదు.. వీరు ప్రేమలోనూ తండ్రిని ఆదర్శంగా తీసుకున్నారు. నాగ చైతన్య తనతో నటించిన హీరోయిన్ సమంతను ప్రేమించారు. అఖిల్ కూడా తన బాల్య స్నేహితురాలు శ్రీయ భూపాల్ పై మనసుపడ్డారు. ఈ రెండు ప్రేమ కథలకు నాగ్ గ్రీన్ సిగ్నల్ ఇచ్చి పెళ్లి చేయడానికి సిద్ధమయ్యారు. నిశ్చితార్ధం జరిగిపోయిన ఈ జంటలు త్వరలోనే పెళ్లిపీటలు ఎక్కనున్నాయి. ఇలా అక్కినేని ఫ్యామిలీలో మూడు లవ్ స్టోరీలు ఉన్నాయి. ఈ కథలతో ఓ మల్టీ స్టారర్ మూవీ చేయొచ్చు. మరి అక్కినేని హీరోస్ అందుకు ఒకే చెబుతారా?

Also, do SUBSCRIBE to our YouTube channel to get latest Tollywood updates.