రవితేజ హీరోగా కెరీర్ లో ఎంతో ప్రతిష్టాత్మకంగా తీసుకొని వంశీ తెరకెక్కిస్తోన్న పాన్ ఇండియా చిత్రం ‘టైగర్ నాగేశ్వరరావు’. మంగళవారం ఈ చిత్ర ట్రైలర్ విడుదలైంది. ఇందులో తన మాస్‌ లుక్‌, డైలాగులతో రవితేజ ఆకట్టుకున్నారు. ఇప్పటికే పాటలతో అంచనాలు పెంచేసిన ఈ చిత్రబృందం తాజాగా ట్రైలర్‌తో మరింత ఆసక్తి కలిగేలా చేసింది. రవితేజ లుక్స్ దగ్గర నుండి క్యారక్టర్ వరకు ప్రతీ ఒక్కటి చూసే అభిమానులకు ప్రేక్షకులకు కొత్తగా అనిపించేలా ప్రయత్నం చేసాడు డైరెక్టర్ వంశీ.
కొద్దీ రోజుల క్రితమే విడుదలైన టీజర్ కి సోషల్ మీడియా లో అద్భుతమైన రెస్పాన్స్ వచ్చింది. ఇక ఈరోజు ఈ చిత్రానికి సంబంధించిన ట్రైలర్ కాసేపటి క్రితమే విడుదల అయ్యింది. ఈ ట్రైలర్ లాంచ్ ఈవెంట్ ని ముంబై లో ప్రత్యేకంగా ఏర్పాటు చేసారు. పాన్ ఇండియా లెవెల్ లో ఈ చిత్రాన్ని బలంగా ప్రమోట్ చెయ్యడానికి దర్శక నిర్మాతలు ప్రయత్నం చేస్తున్నారని అర్థం అవుతుంది. టైగర్ నాగేశ్వరరావు ట్రైలర్ చూస్తే బాలీవుడ్ రేంజ్ లో ఉంది.. కానీ రోటీన్ స్టోరీలా అనిపిస్తోంది. కొన్ని సందర్భాల్లో కేజీఎఫ్, దసరా సినిమాల సన్నివేశాలు ఈ సినిమాలో చూసినట్లు అనిపిస్తోంది.
ఈ స్టూవర్టుపురం లో అన్యాయానికి గురైన ఒక సాధారణ మనిషి బందిపోటు దొంగగా మారి ఎందుకు దొంగతనాలు చెయ్యాలని అనుకున్నాడు అనే కథ ఈ సినిమా తెరకెక్కింది అనే విషయం అర్థం అవుతుంది. ఇలాంటి సినిమాలను మన చిన్నతనం నుండి చూస్తూనే ఉన్నాము. కానీ టేకింగ్ ఎలా తీశారు అనేదే ముఖ్యమైనది. సరికొత్త రకమైన స్క్రీన్ ప్లే మరియు టేకింగ్ ఉన్న సినిమాలు కథ రొటీన్ గా అనిపించినా కూడా సూపర్ హిట్ అయ్యిన దాఖలాలు చాలానే ఉన్నాయి.
జనాలకు బోర్ కొట్టకుండా సినిమా చూపించడమే పెద్ద టాస్క్. మరి ఈ టాస్కు లో డైరెక్టర్ వంశీ ఎంత వరకు సక్సెస్ అయ్యాడో చూడాలి. యాక్షన్ బ్లాక్స్ మాత్రం రవితేజ కెరీర్ లోనే ది బెస్ట్ అనిపించే విధంగా ఉన్నాయి. సినిమా కూడా ఆ రేంజ్ లో ఉంటుందో లేదో చూడాలి. ఈ చిత్రం అక్టోబర్‌ 20న ప్రేక్షకుల ముందుకు రానుంది. ఈ సినిమాలో (Tiger Nageswara Rao) రవితేజ సరసన నూపుర్‌ సనన్‌, గాయత్రి భరద్వాజ్ నటించారు. రేణూ దేశాయ్‌ ఓ కీలక పాత్రలో కనిపించనున్నారు.
స్కంద సినిమా రివ్యూ & రేటింగ్!
చంద్రముఖి 2 సినిమా రివ్యూ & రేటింగ్!
‘బిగ్ బాస్ 7’ కంటెస్టెంట్ ప్రిన్స్ యవార్ గురించి 10 ఆసక్తికర విషయాలు !
