స్టార్ హీరోపై కాల్పులు.. ఆ నటుడితో పనిచేయొద్దంటూ…?!

బాలీవుడ్ స్టార్ హీరో టైగర్ ష్రాఫ్‌ (Tiger Shroff) ఒక పెద్ద ప్రమాదం నుంచి తప్పించుకున్నారు. అక్టోబర్ 18న (ఆదివారం) సాయంత్రం ముంబైలోని జుహూ ప్రాంతంలో ఆయన తన కారులో ప్రయాణిస్తుండగా ఊహించని దారుణమైన సంఘటన ఎదురైంది. బైక్‌పై వచ్చిన ముగ్గురు గుర్తుతెలియని వ్యక్తులు టైగర్ ష్రాఫ్ కారుపై తుపాకులతో కాల్పులు జరిపారు. అదృష్టవశాత్తూ ఈ ప్రమాదంలో టైగర్ ష్రాఫ్‌కు ఎటువంటి గాయాలు కాలేదు. ఆయన సురక్షితంగా ప్రాణాలతో బయటపడ్డారని చెప్పాలి.

Tiger Shroff

అయితే, ఈ ఘటనలో టైగర్ ష్రాఫ్ కారు డ్రైవర్‌తో పాటు అక్కడే ఉన్న ఒక ఆటో డ్రైవర్‌కు తీవ్ర గాయాలైనట్లు పోలీసులు వెల్లడించారు. అనంతరం జుహూ పోలీస్ స్టేషన్‌లో ఈ ఘటనపై కేసు నమోదు చేసి దర్యాప్తు చేపట్టారు. ఇదిలా ఉంటే.. ఎవరూ ఊహించని విధంగా ‘ఈ దాడికి పాల్పడింది మేమే’ అంటూ లారెన్స్ బిష్ణోయ్ గ్యాంగ్‌కు చెందిన అనిల్ పండిత్, హర్మన్ సంధు అనే గ్యాంగ్‌స్టర్లు సోషల్ మీడియాలో పోస్టులు పెట్టడం కలకలం రేపింది.

‘సల్మాన్ ఖాన్‌తో కలిసి నటించొద్దు’ అని హెచ్చరించినా టైగర్ ష్రాఫ్ పట్టించుకోలేదని, అందుకే ఆయనను టార్గెట్ చేశామని వారు పేర్కొన్నట్లు జాతీయ మీడియా వెల్లడించింది. ఈ ఘటన బాలీవుడ్ మొత్తాన్ని కుదిపేసిందని చెప్పాలి. అందుకే మహారాష్ట్ర ముఖ్యమంత్రి దేవేంద్ర ఫడణవీస్ రంగంలోకి దిగి పోలీస్ అధికారులతో సమావేశాలు నిర్వహిస్తున్నట్లు సమాచారం. ఈ క్రమంలో బాధ్యులపై కఠిన చర్యలు తీసుకోవాలని ఆయన ముంబై పోలీస్ కమిషనర్‌ను ఆదేశించినట్లు తెలుస్తోంది.

దీంతో ఘటనా స్థలం దగ్గర ఉన్న సీసీటీవీ ఫుటేజీలను పోలీసులు పరిశీలిస్తున్నారు. ఏకంగా 15 పోలీస్ బృందాలు ఈ కేసు దర్యాప్తులో పాల్గొంటున్నట్లు సమాచారం.

రిలేషన్ షిప్లో ఉన్న వాళ్ళకి ‘హైకూ’ బాగా నచ్చుతుంది : శ్రీదేవి ఆపళ్ళ