ప్రముఖ కథానాయకుడు అక్కినేని నాగార్జున తన వందో సినిమా పనుల్లో బిజీగా ఉన్నారు. వీకెండ్‌లో ఒక రోజు రెండు రోజుల బిగ్‌బాస్‌ ఎపిసోడ్‌ని షూట్‌ చేసి.. కంగారు కంగారుగా రెడీ చేస్తున్నది కూడా అందుకే అని అంటున్నారు. ఆ విషయం పక్కన పెడితే ఈ సినిమాను ఎలాగైనా డిసెంబరు 24న విడుదల చేయాలని టీమ్‌ ప్లాన్‌ చేస్తోంది. ఈ మేరకు డబుల్‌ షిఫ్ట్‌లు కూడా చేసి సినిమాను పూర్తి చేసే పనిలో పడ్డారట.
సినిమా పనులు అలా సాగుతుంటే.. మరోవైపు సినిమా టైటిల్ గురించి ఓ వార్త బయటకు వచ్చింది. అదేంటి ఇప్పటికే ‘కింగ్ 100’ అని పేరు పెట్టారు కదా అని అంటారా. అవును ఆ పేరు పెట్టడం నిజమే, ఆ పేరు పెట్టడానికి కారణం ఇదే అంటూ సినిమా సన్నిహిత బృందం బయటకు చెప్పడమూ నిజమే. అయితే ఏమైందో ఏమో ఇప్పుడు సినిమా టైటిల్‌ని మార్చాల్సిందే అని ఫిక్స్ అయ్యారట. ఈ సినిమాకి ‘ఖైదీ 100’ అనే కొత్త టైటిల్ అనౌన్స్ చేస్తున్నారని టాక్‌.
సినిమాకు ‘కింగ్ 100’ అనే పేరు పెట్టడానికి కారనం ఉంది అంటూ ఆ మధ్య చిత్ర సన్నిహిత బృందం నుండి లీకులు వచ్చాయి. ఆ సీన్స్‌ చూశాక ఎందుకు సినిమాకు ఈ టైటిల్ పెట్టారో అర్థమైపోతుంది అంటూ ఊరించారు కూడా. కానీ ఇప్పుడు చూస్తే ఆ పేరు కంటే ‘ఖైదీ 100’ అనే పేరు ఇంకా బాగుంటుంది అని అనుకుంటున్నారట. అందుకే ‘ఖైదీ 100’ అని పేరు పెట్టి #KING100 అనే దానిని హ్యాష్‌ట్యాగ్‌గా పెడతారట.
మరి, ఈ కొత్త పుకార్ల నేపథ్యంలో చిత్రబృందం ఏమన్నా క్లారిటీ ఇస్తుందేమో చూడాలి. నిజానికి కింగ్ 100 పేరు బాగానే ఉంది. మరి దర్శకుడు రా.కార్తిక్‌ మనసులో ఏముందో ఆయనే చెప్పాలి. అన్నట్లు సినిమా రిలీజ్‌ల గురించి ఆ మధ్య నాగార్జున చేసిన కామెంట్ల నేపథ్యంలోనే ఈ సినిమా టైమ్‌కి రావాల్సిందే అని ఫిక్స్ అయ్యారట. ఆ మధ్య సినిమాలు అనుకున్న డేట్‌కి ఎందుకు తేవడం లేదు అని నాగార్జున ‘లెనిన్‌’ టైమ్‌లో ఆగ్రహం వ్యక్తం చేసిన సంగతి తెలిసిందే.
