గడ్డంతో ట్రెండ్ సృష్టిస్తున్న టాలీవుడ్ హీరోలు

నటీనటులు సినిమాకి సినిమాకి గెటప్ చేంజ్ చేయడం కామన్. ముఖ్యంగా హీరోలు ప్రతి సినిమాకు కొత్తగా కనిపించాలి. అప్పుడే ఆ చిత్రాలు విజయం సాధిస్తాయి. అందుకే నేటి ఆడియన్స్ ఆకట్టుకోవడానికి సీనియర్స్, జూనియర్స్ అని తేడా లేకుండా హీరోలందరూ కొత్త మీసకట్టు, గడ్డంతో కనిపిస్తున్నారు. ట్రెండ్ సృష్టిస్తున్నారు.

అల్లు అర్జున్ స్టైలిష్ స్టార్ అల్లు అర్జున్ సరైనోడు చిత్రం తర్వాత చేస్తున్న సినిమా దువ్వాడ జగన్నాథమ్. హరీష్ శంకర్ దర్శకత్వంలో తెరకెక్కుతున్న ఈ మూవీలో బన్నీ రెండు షేడ్స్ లో కనిపిస్తున్నాడు. ఒకటి ఆచారాలు పాటించే అచ్చమైన బ్రాహ్మణుడిగా, మోసగాళ్లను తుక్కురేపే డీజే గా. కొన్ని యాక్షన్ సీన్స్ లో భారీగా గడ్డం పెంచి రఫ్ గా కనిపిస్తున్నాడు.

బాలకృష్ణ హీరోలను కొత్తగా చూపించడంలో పూరి జగన్నాథ్ దిట్ట. అతని దర్శకత్వంలో బాలకృష్ణ పైసా వసూల్ సినిమా చేస్తున్నారు. ఈ చిత్రం ఫస్ట్ లుక్ లో బాలయ్య ని చూసి అందరూ సూపర్ అంటున్నారు. ఇదివరకు ఏ చిత్రం లోను లేని విధంగా బాలకృష్ణ మీసం, గడ్డాన్ని కటింగ్ చేశారు.

ఎన్టీఆర్ బాబీ దర్శకత్వంలో ఎన్టీఆర్ జై లవకుశ సినిమా చేస్తున్నారు. ఇందులో తారక్ మూడు పాత్రలు పోషిస్తుండగా ఒకటి విలన్ రోల్. ఆ పాత్రకు సంబంధించిన ఫస్ట్ లుక్ రిలీజ్ చేశారు. ఇందులో ఎన్టీఆర్ గెటప్ అదిరిపోయింది. కోర మీసంతో, ట్రిమ్ చేసిన గడ్డం తో ట్రెండ్ సెట్ చేశారు. ఈ గెటప్ లో కనిపించడానికి నేటి యువత ఆసక్తి కనబరుస్తున్నారు.

రామ్ చరణ్ తేజ్ రామ్ చరణ్ పూర్తిగా గ్రామీణ కుర్రోడిగా చేస్తున్న చిత్రం రంగస్థలం 1985 . టైటిల్ ఆసక్తికరంగా వుందికదూ.. పేరుతో పాటు ఇందులో రామ్ చరణ్ లుక్ కూడా విభిన్నంగా ఉంది. గుబురు గడ్డంతో చెర్రీ ఆకర్షిస్తున్నాడు.

నితిన్ చాకోలెట్ బాయ్ లా కనిపించే నితిన్ కూడా డిఫరెంట్ లుక్ ట్రై చేసాడు. ప్రస్తుతం యువహీరో హను రాఘవపూడి దర్శకత్వంలో ‘ఎల్ఐఈ (లై) అనే సినిమా చేస్తున్నాడు. ఇందులో ఫుల్ గా గడ్డం మీసం పెంచి అందంగా కనిపించడంతో పాటు, సినిమాపై క్రేజ్ తీసుకొచ్చాడు.

రామ్ ఎనర్జటిక్ హీరో రామ్ హైపర్ సినిమా తర్వాత తనకి నేను శైలజ వంటి హిట్ ఇచ్చిన దర్శకుడు కిశోర్‌ తిరుమలతో ఓ సినిమా చేస్తున్నారు. మొదటి షెడ్యూల్ పూర్తి చేసుకున్న ఈ మూవీలో రామ్ యాంకర్ బియర్డ్ స్టైల్ లేటెస్ట్ ట్రెండ్ గా మారింది.

నాని నేచురల్ గా నటించడమే కాదు.. నేచురల్ కనిపించడం నాని కి అలవాటు. ఈ విధానానికి భిన్నంగా నేచురల్ స్టార్ పూర్తి గడ్డంతో కనిపించబోతున్నారు. అతను చేస్తున్న తాజా చిత్రం నిన్నుకోరి మూవీలో బియర్డ్ లుక్
ఆకట్టుకోనుంది .

చిరంజీవి మెగాస్టార్ చిరంజీవి ఖైదీ నంబర్ 150 మూవీ ఇచ్చిన ఉత్సాహంతో 151 సినిమాకు సిద్ధమవుతున్నారు. స్వాతంత్ర సమరయోధుడు ఉయ్యాల వాడ నరసింహా రెడ్డి గా నటించబోతున్నారు. ఈ సినిమా కోసం మీసం మెలితిప్పారు. లైట్ గా గడ్డం పెంచి గ్లామరస్ గా కనిపిస్తున్నారు. ఈ మూవీ సెట్స్ మీదకు వెళ్లక ముందే.. చిరు స్టైల్ ట్రెండింగ్ లో ఉంది.

ఇదే లేటెస్ట్ ట్రెండ్ కావడంతో మరికొంతమంది హీరోలు ఇదే ఫాలో అయ్యే పనిలో ఉన్నారు.