‘పెళ్లి సందD’తో టాలీవుడ్‌ను తనవైపు తిప్పుకున్న శ్రీలీల (Sreeleela), ఇప్పుడు తన పారితోషికంతో దర్శక నిర్మాతలకు షాకుల మీద షాకులు ఇస్తున్నట్టు తెలుస్తుంది. ‘ధమాకా’ (Dhamaka) తో హిట్ అందుకున్నాక శ్రీలీల వరుస సినిమాలతో బిజీ అయిపోయింది. ప్లాపులు వచ్చినా ఈమె డిమాండ్ తగ్గలేదు. ప్రస్తుతం ‘మాస్ జాతర’ ‘ఉస్తాద్ భగత్ సింగ్’ వంటి సినిమాల్లో హీరోయిన్ గా నటిస్తుంది.
అఖిల్ ‘లెనిన్’ (Lenin) లో కూడా ఈమెనే హీరోయిన్. కానీ ఇటీవల ఎవ్వరూ ఊహించని విధంగా ఆమె ఈ ప్రాజెక్టు నుండి తప్పుకుంది.దానికి కారణం ఏంటి అనేది ఎవరికీ తెలియదు. కానీ.. ఇన్సైడ్ టాక్ ప్రకారం.. శ్రీలీలకి వరుసగా బాలీవుడ్లో అవకాశాలు వస్తున్నాయట. అక్కడి ఫిలిం మేకర్స్ శ్రీలీలకి అడిగినంత పారితోషికం ఇస్తున్నారట.
దీంతో తెలుగులో కూడా ఆమె అలానే డిమాండ్ చేస్తున్నట్లు తెలుస్తోంది. ఇన్సైడ్ టాక్ ప్రకారం… శ్రీలీల (Sreeleela) ఇప్పుడు ఒక్కో సినిమాకు రూ.7 కోట్లు డిమాండ్ చేస్తుందట. దీంతో టాలీవుడ్ దర్శక నిర్మాతలు షాక్ అవుతున్నట్టు తెలుస్తుంది. హిందీలో ఆమె నటిస్తున్న ‘ఆషికి 3’ వంటి ప్రెస్టీజియస్ ప్రాజెక్ట్‌ కి రూ.5 కోట్ల వరకు అందుకున్నట్టు తెలుస్తుంది.
కెరీర్ మంచి ఊపులో ఉన్నప్పుడు పారితోషికం పెంచడం సహజమే అయినా, సక్సెస్ రేటు తక్కువగా ఉన్న ఈ తరుణంలో ఏకంగా రూ.7 కోట్లు డిమాండ్ చేయడం కొంచెం ‘అతి’కి పోవడమే అని ఇండస్ట్రీ జనాలు అభిప్రాయ పడుతున్నారు. లైఫ్ ఇచ్చిన తెలుగు సినీ పరిశ్రమని పక్కన పెట్టి బాలీవుడ్‌పై మోజుతో వెళ్లిన చాలా మంది హీరోయిన్లు అక్కడ రాణించలేక.. ఇక్కడ ఉన్న మార్కెట్ ను కూడా పోగొట్టుకున్న సందర్భాలు ఉన్నాయి. మరి శ్రీలీల (Sreeleela) కెరీర్ ఎలా ఉంటుందో చూడాలి.
Home