Boyapati Srinu: హిట్టిచ్చినా గ్యాప్ వచ్చేలా ఉందే!

దర్శకుడు బోయపాటి ఒక సినిమాను పూర్తి చేసి కాస్త గ్యాప్ తీసుకొని తదుపరి సినిమా కోసం ఆలోచిస్తుంటాడు. కానీ ఇప్పుడు పరిస్థితి ఆలా లేదు. హీరోలందరూ బిజీ అయిపోవడంతో వారి డేట్లు దొరకడం కష్టంగా మారింది. అందుకే ముందు నుండి ప్లాన్ చేసుకొని ముందుకువెళ్లాలి. ఇప్పుడు బోయపాటి కూడా అదే చేస్తున్నాడు. ‘అఖండ’ సినిమా సెట్స్ పై ఉండగానే మరో సినిమాను సెట్ చేసుకోవడానికి ప్రయత్నిస్తున్నాడు. ‘అఖండ’ సినిమా తరువాత ఏ హీరోతో సినిమా చేయాలనే విషయంలో బోయపాటిలో త‌ర్జ‌న భ‌ర్జ‌న‌లు మొదలయ్యాయి.

అల్లు అర్జున్, రవితేజ, రామ్, గోపీచంద్ లాంటి హీరోలతో బోయపాటి సినిమా చేయబోతున్నట్లు వార్తలు చక్కర్లు కొడుతున్నాయి. అయితే బోయపాటి దృష్టి మాత్రం బన్నీ, రవితేజలపైనే ఉందని తెలుస్తోంది. నిజానికి గీతాఆర్ట్స్ లో సినిమా చేయడానికి ఇప్పటికే బోయపాటి అడ్వాన్స్ కూడా తీసుకున్నాడు. ‘సరైనోడు’ సినిమా తరువాత బోయపాటితో మరో సినిమా చేయాలని బన్నీ కూడా అనుకున్నాడు. రీసెంట్ గా వీరిద్దరి మధ్య కథాచర్చలు కూడా జరిగాయి. మరోపక్క బోయపాటి..

మాస్ హీరో రవితేజను సైతం లైన్ లో పెట్టినట్లు సమాచారం. ‘భద్ర’ సినిమాతో వీరిద్దరి కాంబోకి మంచి క్రేజ్ ఏర్పడింది. అప్పటినుండి వీరు కూడా కలిసి సినిమా చేయాలనుకున్నారు కానీ వర్కవుట్ అవ్వలేదు. ఈసారి ఎలాగైనా ఈ కాంబో సెట్ చేయాలని చూస్తున్నారు. రవితేజ, బన్నీ ఇద్దరు హీరోలు కూడా బోయపాటితో పని చేయడానికి సిద్ధంగానే ఉన్నారు. కానీ ప్రస్తుతానికి ఈ హీరోల డేట్స్ ఖాళీగా లేవు. ‘అఖండ’ సినిమాతో బోయపాటి భారీ హిట్ అందుకున్నా.. వెయిటింగ్ మాత్రం తప్పేలా లేదు. మరి ముందుగా ఏ హీరో బోయపాటికి కాల్షీట్స్ అడ్జస్ట్ చేస్తారో చూడాలి!

Most Recommended Video

10 మంది టాలీవుడ్ సెలబ్రిటీలు మరియు వారి అలవాట్లు..!
టాలీవుడ్లో రూపొందుతున్న 10 సీక్వెల్స్ లిస్ట్..!
ఈ 15 మంది సెలబ్రిటీలు బ్రతికుంటే మరింతగా రాణించే వారేమో..!