ఈ ఏడాది ఈ 10 మంది హీరోయిన్ల గురించే ఎక్కువ సెర్చింగ్ లు జరిగాయి!

2022 క్లైమాక్స్ కి వచ్చేసింది. ఇంకో 12 రోజుల్లో ఈ ఏడాదికి అంతా గుడ్ బై చెప్పేస్తారు. ఇదిలా ఉండగా.. 2022 లో టాలీవుడ్లో కొంతమంది హీరోయిన్ల కోసం ఎక్కువగా సెర్చింగ్లు జరిగాయి. ప్రతి ఏడాది ఇలాంటి లిస్ట్ బయటకు వస్తుంటుంది. ఎక్కువగా హీరో, హీరోయిన్లకు సంబంధించిన లిస్ట్ మాత్రమే బయటకు వస్తుంటుంది. ప్రస్తుతానికి మనం హీరోయిన్ల గురించి మాట్లాడుకోవాలి కాబట్టి.. ఆ హీరోయిన్లను ఎందుకు జనాలు ఎక్కువగా సెర్చ్ చేశారు.ఈ లిస్ట్ లో టాప్ 1 తో టాప్ 10 ను ఓ లుక్కేద్దాం రండి :

1) కాజల్ అగర్వాల్ :

2022 లో కాజల్ గురించి ఎక్కువ సెర్చ్ లు జరిగాయి. ఎందుకు అంటే ఈ ఏడాది ఆమె నటించిన ఒక్క సినిమా కూడా రిలీజ్ కాలేదు. దీంతో ఆమె సినిమాలకు గుడ్ బై చెప్పింది అనేది ఒక రీజన్. మరోపక్క ‘ఆచార్య’ సినిమాలో ఆమె పాత్రని తీసేయడంతో, చాలా మంది ఈమె గురించి సెర్చ్ చేయడం మొదలుపెట్టారు. అంతేకాదు కాజల్ ఈ ఏడాది మగబిడ్డకు జన్మనిచ్చింది. తన బాబు ఫోటోల కోసం కూడా ఎక్కువగా సెర్చింగ్ లు జరిగాయి.

2) సమంత :

నాగ చైతన్యతో విడాకుల తర్వాత సమంత.. పై ఎక్కువగా ట్రోలింగ్ జరిగేది. ‘పుష్ప’ ఆమె చేసిన ఐటెం సాంగ్ గురించి కూడా ఎక్కువగా చర్చల్లో నిలిచింది. ఇక ఈ ఏడాది చివర్లో అంటే ‘యశోద’ సినిమా రిలీజ్ కు ముందు ఆమె ప్రాణాంతక వ్యాధితో బాధపడుతున్నట్టు తెలియడంతో దాని గురించి ఎక్కువగా సెర్చింగ్ లు జరిగాయి.

3) రష్మిక మందన :

పుష్ప, సీతా రామం వంటి చిత్రాలతో బాలీవుడ్లో ఫేమస్ అయిపోయింది రష్మిక. అలాగే విజయ్ దేవరకొండ తో పెళ్లి వార్తలతో ఆమె ఇంకా వార్తల్లో నిలుస్తూనే ఉంది. అందుకే ఈ గురించి కూడా ఎక్కువగా సెర్చింగ్ లు జరిగాయి.

4) తమన్నా :

పెళ్లి వార్తలతో తమన్నా ఎక్కువగా వార్తల్లో నిలిచింది. అలాగే ‘ఎఫ్3’ సినిమాలో మగరాయుడు గెటప్ వల్ల ఈమె ఎక్కువగా హాట్ టాపిక్ అయ్యింది. అందుకే తమన్నా గురించి కూడా ఎక్కువగా సెర్చ్ లు జరిగాయి.

5) నయనతార :

నయనతార పెళ్లి ఈ ఏడాది తాను ప్రేమించిన విగ్నేష్ శివన్ తో జరిగింది. ఆ తర్వాత తిరుపతి వెళ్లి అక్కడ శ్రీవారి దైవ సన్నిధిలో చెప్పులు వేసుకుని వెళ్లడం పెద్ద వివాదాస్పదమైంది. ఇక సరోగసి పద్ధతిలో కవలలకు జన్మనిచ్చి కోర్టు మెట్లెక్కింది. ఇలాంటి వార్తల గురించి ఈమె పై గూగుల్ లో సెర్చింగ్ లు జరిగాయి.

6) సాయి పల్లవి :

‘విరాట పర్వం’ సినిమా ప్రమోషన్లలో ఈమె చేసిన కామెంట్ల వల్ల భజరంగ్ దళ్ బ్యాచ్ కేసులు వేయడం, ఈమె పోలీస్ స్టేషన్ మెట్లు ఎక్కడం హాట్ టాపిక్ అయ్యింది. దీంతో ఈమె గురించి ఎక్కువగా సెర్చ్ లు జరిగాయి.

7) రకుల్ ప్రీత్ సింగ్ :

రకుల్ ప్రీత్ సింగ్ పెళ్లి గురించి కూడా ఎక్కవగా వార్తలు వచ్చాయి. అలాగే ఈమె ఈమె ఓ బాలీవుడ్ సినిమా షూటింగ్లో బిజీగా ఉన్నప్పుడు కొంతమంది దాడి చేయడం హాట్ టాపిక్ అయ్యింది. ఇక ఏడాది చివర్లో ఈమెకు ఈడి డ్రగ్స్ కేసులో రెండోసారి నోటీసులు పంపడం కూడా ట్రెండింగ్ టాపిక్ గా నిలిచింది. ఈ రకంగా రకుల్ పై కూడా ఎక్కువగా సెర్చింగ్ లు జరిగాయి.

8) అలియా భట్ :

‘గంగూబాయి కతియావాడి’ ‘ఆర్.ఆర్.ఆర్’ ‘బ్రహ్మాస్త్ర’ వంటి సినిమాలతోనే కాకుండా పెళ్లి, పాపకు జన్మనివ్వడం వంటి వార్తలతో కూడా ఈమె గురించి ఎక్కువగా సెర్చ్ లు జరిగాయి.

9) దీపికా పదుకోనె :

‘ప్రాజెక్టు కె’ చిత్రం షూటింగ్ టైంలో ఈమె హాస్పిటల్ పాలవ్వడం, చివర్లో పఠాన్ సినిమాలో సాంగ్ ఇష్యు వల్ల ఈమె గురించి ఎక్కువగా సెర్చింగ్ లు జరిగాయి.

10) కృతి సనన్ :

‘1 నేనొక్కడినే’ ‘దోచేయ్’ వంటి తెలుగు సినిమాల్లో నటించి ఆ తర్వాత బాలీవుడ్లో స్టార్ హీరోయిన్ అయిపోయిన ఈ బ్యూటీ.. 2022 లో ప్రభాస్ తో పెళ్లి వార్తలతో హాట్ టాపిక్ గా నిలిచింది. అందుకే ఈమె గురించి కూడా ఎక్కువ సెర్చ్ లు జరిగాయి.