మోహినిగా మత్తెక్కిస్తోంది!

“కళావతి”తో హారర్ హిట్ ను టేస్ట్ చేసిన త్రిష ఆ తర్వాత వరుసగా అదే జోనర్ లో సినిమాలు అంగీకరిస్తూ వస్తుంది. తెలుగు-తమిళ భాషల్లో తెరకెక్కిన “నాయకి” అనే కామెడీ హారర్ సినిమా ఇప్పటికే చిత్రీకరణ ముగించుకొని విడుదలకు సిద్ధంగా ఉండగా.. త్రిష తాజాగా మరో హారర్ సినిమాలో నటించేస్తుంది.

తమిళంలో “మోహిని” అనే టైటిల్ తో తెరకెక్కుతున్న ఈ చిత్రం షూటింగ్ ప్రస్తుతం చెన్నైలో జరుగుతోంది. ఈ సినిమాలో త్రిష భయపెట్టడంతోపాటు.. పనిలోపనిగా తన సొగసుల సత్తాను కాస్త ఘాటుగా రుచి చూపనుందని తెలుస్తోంది. త్రిషకు బికినీ వేయడం కొత్తకాకపోయినప్పటికీ.. “మొహిని” సినిమాలో ఓ కిడ్నాప్ సీన్ కోసం అమ్మడు బికినీలో దర్శనమివ్వనుందట.

స్విమ్మింగ్ పూల్ లో సింగిల్ పీస్ బికినీలో చేపపిల్లలా నీళ్ళలో తేలియాడుతున్న త్రిషను కొంత మంది రౌడీలు బలవంతంగా కిడ్నాప్ చేసే సన్నివేశం చిత్రీకరిస్తున్నారు. సదరు చిత్రీకరణలో పాల్గొన్నావారందరూ.. ఈ సీన్ లో త్రిష అందాలు ప్రేక్షకులను తెర మీదనుండి కన్ను తిప్పుకోలేరంటున్నారు!