సూపర్ స్టార్ మహేష్ బాబు (Mahesh Babu) ఈ ఏడాది గుంటూరు కారం సినిమాతో సక్సెస్ ను సొంతం చేసుకోగా రాజమౌళి (S. S. Rajamouli) సినిమాతో మహేష్ బాబుకు పాన్ వరల్డ్ రేంజ్ లో హిట్ దక్కుతుందని ఫ్యాన్స్ భావిస్తున్నారు. మహేష్ బాబు, త్రిష కాంబినేషన్ లో అతడు (Athadu) , సైనికుడు (Sainikudu) సినిమాలు తెరకెక్కగా అతడు సినిమా బాక్సాఫీస్ వద్ద బ్లాక్ బస్టర్ హిట్ గా నిలిస్తే సైనికుడు మూవీ మాత్రం ఫ్లాప్ రిజల్ట్ ను సొంతం చేసుకుంది.
అయితే త్రిష ఒక సందర్భంలో సూపర్ స్టార్ మహేష్ బాబు గురించి షాకింగ్ విషయాలను వెల్లడించగా ఆ విషయాలు వైరల్ అవుతున్నాయి. హార్డ్ వర్క్ విషయంలో స్టార్ హీరో మహేష్ బాబుకు ఎవరూ సాటిరారని ఆయన హార్డ్ వర్క్ చూసి నేను అంత కష్టపడలేకపోతున్నానని గిల్టీగా ఫీలయ్యేదానినని ఆమె తెలిపారు. మహేష్ బాబు స్టార్ హీరో అయినప్పటికీ ఇతరులను ఎంతో గౌరవించేవారని త్రిష అన్నారు.
చెన్నైలో కాలేజ్ లో చదివే సమయంలో మ్యూచువల్ ఫ్రెండ్స్ ద్వారా మహేష్ బాబుతో పరిచయం ఏర్పడిందని ఆ సమయంలో హాయ్ బాయ్ అనేంత స్నేహం ఉండేదని సినిమాల్లోకి రాకముందే మహేష్ తో పరిచయం ఏర్పడిందని త్రిష (Trisha) వెల్లడించారు. కారవాన్ లోకి వెళ్లడానికి సైతం మహేష్ పెద్దగా ఇష్టపడరని అవసరమైతే రాత్రి 10 గంటల వరకు కూడా సెట్స్ లో మహేష్ ఉండేవారని త్రిష తెలిపారు.
ప్రస్తుతం విశ్వంభర (Vishwambhara) సినిమాతో ఒకింత బిజీగా ఉన్న త్రిష మహేష్ బాబు గురించి చేసిన కామెంట్స్ ప్రస్తుతం సోషల్ మీడియా వేదికగా వైరల్ అవుతున్నాయి. రాబోయే రోజుల్లో మహేష్ బాబు త్రిష కాంబోలో సినిమా రావడం కష్టమేనని చెప్పవచ్చు. అయితే వయస్సు పెరుగుతున్నా త్రిష 20 సంవత్సరాల క్రితం ఎలా ఉన్నారో ఇప్పటికీ అదే విధంగా ఉన్నారని కామెంట్లు వ్యక్తమవుతున్నాయి.
