Trisha: ఆ కథనాలపై ఘాటుగా స్పందించిన త్రిష.. ఏమన్నారంటే?

టాలీవుడ్ స్టార్ హీరోయిన్లలో ఒకరైన త్రిష నాలుగు పదుల వయస్సులో కూడా వరుస ఆఫర్లను సొంతం చేసుకుంటూ అందరినీ ఆశ్చర్యపరుస్తున్నారు. ఈ హీరోయిన్ కు క్రేజ్ అంతకంతకూ పెరుగుతుండగా లియో సినిమాతో ఈ హీరోయిన్ మరో సక్సెస్ ను అందుకున్నారు. లియో సినిమా కమర్షియల్ గా సక్సెస్ సాధించగా తెలుగులో విశ్వంభర సినిమాలో ఈ బ్యూటీ నటిస్తున్నట్టు ప్రచారం జరుగుతోంది. అయితే త్రిష వయస్సును టార్గెట్ చేస్తూ కొన్ని కథనాలు సోషల్ మీడియా వేదికగా ప్రచారంలోకి వస్తుండగా ఆ కథనాలు మరీ ఎక్కువ కావడంతో త్రిష ఒకింత ఘాటుగా స్పందించారు.

కామన్ సెన్స్ లేకపోతే ఎలా అంటూ ఆ కథనాలపై త్రిష ఫైర్ అయ్యారు. ఇప్పుడు నా వయస్సు జాతీయ సమస్యగా మారిందని నాకు 40 నిండడంతో దేశ ఆర్థిక వ్యవస్థ కుదేలైందని ఆమె కామెంట్లు చేశారు. వీళ్లు రాసే రాతలు, వీడియోలు అలాగే ఉన్నాయని త్రిష పేర్కొన్నారు. వేరే ఏ సమస్య లేదనే విధంగా చివరకు నా వయస్సు గురించి పిచ్చిరాతలు రాస్తున్నారని సిగ్గనిపించడం లేదా అంటూ త్రిష చెప్పుకొచ్చారు.

ఇది బుద్ధిలేనివాళ్లు చేసే న్యూసెన్స్ అని ఆమె తెలిపారు. మొదట్లో పట్టించుకోకూడదని అనుకున్నా ఈ వార్తలు ఆగేలా లేవని త్రిష కామెంట్లు చేశారు. సినిమా ఇండస్ట్రీలో 40 ఏళ్లు దాటిన మహిళలు చాలామంది ఉన్నారని త్రిష పేర్కొన్నారు. నాకు మూవీ ఆఫర్లు రావడం కొంతమందికి కంటగింపుగా ఉందని త్రిష అన్నారు. అందుకే పిచ్చి కామెంట్లు చేస్తున్నారని ఆమె చెప్పుకొచ్చారు.

నేను నటిని అని చనిపోయే వరకు నటిస్తూనే ఉంటానని త్రిష కామెంట్లు చేశారు. నా అందం, అభినయం నా సక్సెస్ కు కారణం అని ఆమె తెలిపారు. త్రిష వెల్లడించిన విషయాలు సోషల్ మీడియా వేదికగా వైరల్ అవుతున్నాయి. త్రిష (Trisha) రాబోయే రోజుల్లో కెరీర్ పరంగా మరిన్ని సంచలనాలు సృష్టించాలని ఫ్యాన్స్ భావిస్తున్నారు.

ఆదికేశవ్ సినిమా రివ్యూ & రేటింగ్!

కోట బొమ్మాళీ పి.ఎస్ సినిమా రివ్యూ & రేటింగ్!
సౌండ్ పార్టీ సినిమా రివ్యూ & రేటింగ్!