మహేష్‌బాబు – త్రివిక్రమ్ సినిమా అనౌన్స్‌మెంట్‌ వచ్చిన చాలా రోజుల తర్వాత ముహూర్తం జరిగింది. ఎప్పటిలాగే ఆ ఈవెంట్‌కి మహేష్‌బాబు రాలేదు. త్వరలోనే సినిమా షూటింగ్‌ ప్రారంభం అని చెప్పారు. అయితే ఆ మాట చెప్పి చాలా రోజులైంది. ఇప్పటివరకు సినిమాకు సంబంధించి ఎలాంటి అప్‌డేట్‌లు రావడం లేదు. ఇదిగో షూటింగ్‌ స్టార్ట్‌, అదిగో షూటింగ్‌ స్టార్ట్‌ అంటూ రకరకాల వార్తలు వస్తున్నా ఇంకా అవ్వలేదు. అయితే తాజాగా సినిమాకు సంబంధించి ఓ అప్‌డేట్‌ వచ్చింది. అదే మహేష్ ఈ సినిమా కథ విన్నారట.
అదేంటి, సినిమా కథ వినకుండానే ముహూర్తపు షాట్‌ కొట్టేశారా? అనుకుంటున్నారా. త్రివిక్రమ్ సినిమాలు అలానే జరుగుతుంటాయి. సినిమా పాయింట్‌ ఓకే అనుకుని ముందుకెళ్లారు. ఈ క్రమంలోనే సినిమా పూజా కార్యక్రమాలు నిర్వహించారు. ఈలోపు మహేష్‌బాబు ‘సర్కారు వారి పాట’ సినిమా పూర్తి చేసి వచ్చారు. అంతలోనే మహేష్‌కి కరోనా రావడంతో వేరే ఏ పనులూ అవ్వలేదు. ఆ తర్వాత మహేష్ విదేశాలకు విహార యాత్రకు వెళ్లారు. అక్కడ మహేష్ – త్రివిక్రమ్ కలసి సినిమా కథ మీద చర్చించారు అని వార్తలొచ్చాయి.
వాటన్నింటి ఫలితమో ఏమో.. ఇటీవల మహేష్‌ను కలసి త్రివిక్రమ్ పూర్తి కథ వినిపించారట. అందులో మరి మహేష్ ఏమన్నా మార్పులు చెప్పారా? లేదా అనేది చూడాలి. ఒకవేళ ఇటీవల వస్తున్న పుకార్ల ప్రకారం సినిమా చిత్రీకరణ ఈ నెలలో మొదలైతే కథలో ఎలాంటి మార్పులు లేనట్లే. అలా కాకుండా షూటింగ్‌ ఆలస్యమైతే కథలో మహేష్ మార్పులు చెప్పినట్లు అని అర్థం చేసుకోవచ్చు. కథ ఓకే అయితే త్రివిక్రమ్ డైలాగ్ వెర్షన్‌ సిద్ధం చేస్తారు అంటున్నారు.
మరోవైపు చిత్రబృందం సినిమా కాస్ట్‌ అండ్‌ క్రూ పనులు తుది దశకు తీసుకొచ్చింది. భారీ తారగణంతో సినిమా రూపొందించబోతున్నారు. మోహన్‌బాబు, శోభన, ఉపేంద్ర అంటూ చాలా పెద్ద నటుల పేర్లు వినిపిస్తున్నాయి. సినిమా మొదలైతే వీటి మీద క్లారిటీ వచ్చే అవకాశం ఉంది. ఈ సినిమా తర్వాతే మహేష్ తొలి పాన్ ఇండియా సినిమా రాజమౌళి ప్రాజెక్టు మొదలవుతుంది.
Most Recommended Video
టాలీవుడ్ లో రీ ఎంట్రీ ఇవ్వబోతున్న 10 మంది హీరోయిన్స్ లిస్ట్..!
అభిమానులకు అవకాశాలు ఇచ్చి బ్లాక్ బస్టర్లు అందుకున్న హీరోలు..!
ఈ ఏడాది బాక్సాఫీస్ వద్ద సక్సెస్ అయిన 13 సినిమాల లిస్ట్..!
Home