నందమూరి నట సింహం నట వారసుడు….నందమూరి మోక్షజ్ఞ టాలీవుడ్ ఎంట్రీపై అనేక ఊహాగానాలు టాలీవుడ్ సర్కిల్స్ లో చక్కెర్లు కొడుతున్నాయి. ఎత్తి పరిస్థితుల్లో మోక్షు ఫర్స్ట్ మూవీ సూపర్ హిట్ కావాలి అన్న ఆలోచనతో బాలయ్య తన చాకచక్యాన్ని మొత్తం ఉపయోగిస్తున్నాడు. తొలుత అందరూ ఈ యువ సింహాన్ని జక్కన్న రాజమౌళి లాంచ్ చేస్తాడు అని అనుకున్నారు. అనుకోవడం ఏంటి… దాదాపుగా ఖరారు అయిపోయింది అన్న వార్తలు సైతం వచ్చాయి.
బాహుబలి తరువాత జక్కన్న చెయ్యబోయే సినిమా ఇదే అని సైతం వార్తలు వచ్చాయి. కానీ అనుకోకుండా ఆ వార్తలు ఇప్పుడు త్రివిక్రమ్ చుట్టూ తిరుగుతున్నాయి. తాజాగా “అ..ఆ”సినిమాతో భారీ హిట్ కొట్టిన త్రివిక్రమ్ అయితే సినిమా బావుంటుంది అని, అంతేకాకుండా ఒక మంచి సినిమా ప్రేక్షకులకు అందించిన అనుభూతి ఉంటుంది అని బాలయ్య భావిస్తున్నట్లు సమాచారం. ఇక ఇదే క్రమంలో ఫర్స్ట్ సినిమానే యాక్షన్ ఫిల్మ్ కాకుండా, ఫ్యామిలీ ఎమోషన్స్ తో పాటు లవ్ డ్రామా తో కూడిన సినిమా చేస్తే మంచిదని, తరువాత మెల్లగా యాక్షన్ లోకి దిగి తమ సత్తా ఏంటో చూపించవచ్చు అని బాలయ్య భావిస్తున్నట్లు సమాచారం. ఏది ఏమైనా…మోక్షు ఎంట్రీ కి త్రివిక్రమ్ కరెక్ట్ ఆప్షన్ అని చెప్పవచ్చు.
