మరీ హాలీవుడ్ డబ్బింగ్ సినిమా టైటిల్ లా ఉంది

తెలుగు స్టార్ హీరోలతో సమానామైన మార్కెట్ & క్రేజ్ కలిగిన తమిళ హీరో సూర్య సినిమా రిలీజ్ అవుతుందంటే కొన్నాళ్ళ క్రితం వరకు మన స్టార్ హీరోలు కూడా తమ సినిమాలను విడుదల చేయడానికి జంకేవారు. సూర్య తన డబ్బింగ్ సినిమాలతో క్రియేట్ చేసుకొన్న స్టార్ డమ్ అలాంటిది. అటువంటి సూర్య సినిమాలు తెలుగులో సరిగా ఆడి చాలా ఏళ్ళవుతోంది. “24” తర్వాత సూర్య తెలుగులో మాత్రమే కాదు తమిళంలోనూ హిట్ రుచి చూసి చాలా ఏళ్లవుతోంది. ఈ తరుణంలో సూర్య కొత్త సినిమా రిలీజ్ విషయంలో ఎంత జాగ్రత్తగా ఉండాలి చెప్పండి. కానీ.. సూర్య అదేమీ పట్టించుకోవడం లేదు, ఏదో నిమిత్తమాతృడిని అన్నట్లుగా నటించి, నాలుగు ఇండర్వ్యూలు ఇచ్చి వదిలేస్తున్నాడు.

• కల్కి రివ్యూ కోసం ఇక్కడ క్లిక్ చెయ్యండి
• బ్రోచేవారెవరురా సినిమా రివ్యూ కోసం ఇక్కడ క్లిక్ చెయ్యండి

సూర్య, మోహన్ లాల్, ఆర్య ప్రధాన పాత్రల్లో తెరకెక్కిన తమిళ చిత్రం “కప్పన్”ను ఎప్పట్లానే తెలుగులోనూ డబ్బింగ్ రూపంలో విడుదల చేయడానికి సన్నాహాలు జరుగుతున్నాయి. తమిళంలో “కప్పన్” అంటే గార్డియన్ అని అర్ధం. కానీ.. తెలుగులో మాత్రం విచిత్రంగా ఈ సినిమాకి “బందోబస్త్” అనే టైటిల్ పెట్టారు. బేసిగ్గా “బందోబస్త్” అనేది హిందీ పదం. ఒక స్టార్ హీరో సినిమాకి ఇలాంటి టైటిల్ ఏమిటి అని పెదవి విరిచిన వారే ఎక్కువ. అప్పట్లో లక్ష్మీ గణపతి ఫిలిమ్స్ బ్యానర్ లో వచ్చిన ఇంగ్లీష్ డబ్బింగ్ సినిమా టైటిల్ లా ఉండడం ఎవరికీ పెద్దగా రుచించలేదు. సూర్య ఫ్యాన్స్ కూడా టైటిల్ పట్ల అసంతృప్తిగానే ఉన్నారు. కె.వి.ఆనంద్ దర్శకత్వంలో తెరకెక్కుతున్న ఈ చిత్రాన్ని ఆగస్ట్ 30న విడుదల చేస్తున్నారు. మరి సూర్య ఈ సినిమాతో హిట్ కొడతాడా లేదా అనేది చూడాలి.