Tuck Jagadish Movie: ‘టక్ జగదీష్’ ఓటీటీకి ఇచ్చేశారట!

నేచురల్ స్టార్ నాని హీరోగా నటించిన ‘టక్ జగదీష్’ సినిమా షూటింగ్ పూర్తయి చాలా కాలమవుతుంది. కానీ కరోనా కారణంగా సినిమా రిలీజ్ ఆలస్యమవుతూ వస్తోంది. దీంతో సినిమా ఓటీటీలో విడుదల కాబోతుందంటూ సోషల్ మీడియాలో వార్తలు చక్కర్లు కొట్టాయి. కానీ ఇందులో నిజం లేదని ఓ పక్క నిర్మాణ సంస్థ మరోపక్క హీరో నాని చెబుతూనే ఉన్నారు. థియేటర్లు తెరుస్తారని.. పరిస్థితులు నార్మల్ అవుతాయని అనుకున్నారు. కానీ టికెట్ రేట్ల విషయం తేలకపోవడంతో ఇప్పుడు ఈ సినిమా ఓటీటీ రూట్ లోకి వెళ్లక తప్పడం లేదు.

ఈ సినిమాను థియేటర్లలోనే రిలీజ్ చేయాలని ఇన్నాళ్లు చూశారు. పెరిగిపోతున్న వడ్డీలు కట్టుకుంటూ ఓపికగా ఎదురుచూశారు. కానీ ఇప్పుడు పరిస్థితులు సహకరించకపోవడంతో సినిమాను ఓటీటీకి ఇవ్వాలని నిర్ణయించుకున్నారట. నిర్మాతలకు వడ్డీ బారాలు పెరుగుతుండడంతో నాని కూడా అభ్యంతరం చెప్పలేకపోయాడట. రీతువర్మ హీరోయిన్ గా నటించిన ఈ సినిమాను ఫ్యామిలీ, యాక్షన్ డ్రామాగా చిత్రీకరించారు. ఇటీవలే నాని ‘శ్యామ్ సింగరాయ్’ షూటింగ్ ను కూడా పూర్తి చేశాడు. ప్రస్తుతం ఆయన నిర్మాతగా, హీరోగా పలు సినిమాలను లైన్లో పెట్టాడు.

Most Recommended Video

ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!