బాలకృష్ణకి పైసా వసూల్ కోసం 20 రోజులు చాలు

నందమూరి బాలకృష్ణ, పూరి జగన్నాథ్ కలయికలో తెరకెక్కుతోన్న సినిమా యమ జోరుగా షూటింగ్ జరుపుకుంటోంది. భవ్య క్రియేషన్స్ బ్యానర్ లో ఆనంద్ ప్రసాద్ నిర్మిస్తున్న ఈ మూవీ  టైటిల్ తో పాటు, ఫస్ట్ లుక్ ని నిన్న రిలీజ్ చేశారు. ఫ్రెంచ్ బియర్డ్స్, టర్న్డ్ జీన్స్ లో బాలయ్య కొత్తగా కనిపిస్తున్నారు. అంతే డిఫెరెంట్ గా పైసా వసూల్ అనే టైటిల్ పెట్టి అందరూ మాట్లాడుకునేలా చేశారు. నందమూరి అభిమానులకు ఈ టైటిల్, లుక్ బాగా నచ్చింది. ఈ రోజు పుట్టినరోజు సందర్భంగా పేస్ బుక్ వేదికపై పూరి జగన్నాథ్ తో కలిసి బాలకృష్ణ అభిమానులతో ముచ్చటించారు. అనంతరం పూరి ఈ సినిమా గురించి వివరిస్తూ పోర్చుగల్ ల్లో కొన్ని కీలక సీన్స్ తో పాటు క్లైమాక్స్ ఫైట్ ని కూడా కంప్లీట్ చేసినట్లు చెప్పారు.

ఈ ఫైట్ సినిమాలోనే హైలెట్ గా నిలుస్తుందని వెల్లడించారు. త్వరలోనే హైదరాబాద్ కి వస్తామని తెలిపారు. హైదరాబాద్ లో 20 రోజులు షూటింగ్ మిగిలి ఉందని, అది పూర్తి అయితే ప్రొడక్షన్ కంప్లీట్ అయిపోయినట్లేనని డైరక్టర్ స్పష్టం చేశారు. మార్చిలో మొదలయిన ఈ మూవీ షూటింగ్ ని జూన్ లో పూర్తి చేస్తూ పూరి తన స్పీడ్ టేకింగ్ ని మరోసారి నిరూపించుకున్నారు. పోస్ట్ ప్రొడక్షన్ ని కూడా అంతేవేగంగా పూర్తి చేసి సెప్టెంబర్ 29న రిలీజ్ చేస్తామని వెల్లడించారు.

Also, do SUBSCRIBE to our YouTube channel to get latest Tollywood updates.