ఓటీటీలో రెండు భారీ సినిమాలు చూస్తారా?

రెండు పాన్ ఇండియా సినిమాలు ఒకే రోజు చూసే అవకాశం వస్తే నో చెబుతారా? మాకు తెలిసి చాలామంది యస్సే చెబుతారు. అలాంటి రోజే ఇది. అమెజాన్‌ ప్రైమ్‌, డిస్నీ ప్లస్‌ హాట్‌ స్టార్‌ సబ్‌స్క్రిప్షన్స్‌ మీకు అందుబాటులో ఉంటే ఈ రోజే రెండు భారీ చిత్రాలను చూసేయొచ్చు. అందులో ఒకటి బాలీవుడ్‌లో తెరకెక్కిన పాన్‌ ఇండియా మూవీ ‘బ్రహ్మాస్త్ర’ అయితే.. రెండోది కోలీవుడ్‌ రూపొందిన ‘పొన్నియిన్‌ సెల్వన్‌ – 1’.

తొలి చిత్రం ఈ రోజు నుండి అందుబాటులోకి రాగా, రెండో సినిమా ఈ రోజు నుండి అదనపు రుసుం లేకుండా చూసే అవకాశం ఇచ్చింది. తమిళ పరిశ్రమల నుండి ఎన్నో అంచనాలు నడుమ వచ్చిన భారీ చిత్రం ‘పొన్నియిన్ సెల్వన్ 1’. మణిరత్నం తెరకెక్కించిన ఈ చిత్రంలో విక్రమ్‌, కార్తి, జయం రవి, ఐశ్వర్య రాయ్, త్రిష లాంటి అగ్ర నటులు నటించారు. సెప్టెంబరు 30న విడుదలైన ఈ చిత్రం ఇప్పటికే ఓటీటీలోకి వచ్చేసింది.

అయితే అదనపు రుసుము చెల్లించి సినిమా చూడాలని అమెజాన్ ప్రైమ్‌ తెలిపింది. అయితే ఈ రోజు నుండి సబ్‌స్క్రిప్షన్‌ ఉంటే చాలు అని ప్రకటించింది. అన్నట్లు ఈ సినిమా తమిళనాట తెచ్చుకున్న పేరు, మిగిలిన చోట్ల తెచ్చుకోలేదు. మరి ఓటీటీలో ఏమవుతుందో చూడాలి. ఇక పై సినిమా స్థాయిలోనే బాలీవుడ్‌ రూపొందిన చిత్రం ‘బ్రహ్మాస్త్ర’. అయాన్‌ ముఖర్జీ రూపొందించిన ఈ సినిమాను సెప్టెంబరు 9న విడుదల చేశారు. స్టార్ కపుల్ రణబీర్ కపూర్‌, ఆలియా భట్‌ నటించిన ఈ చిత్రంలో అమితాబ్‌ బచ్చన్‌,

నాగార్జున తదితరులు ఇతర ముఖ్య పాత్రలు పోషించారు. యావరేజ్ టాక్ తెచ్చుకున్న ఈ సినిమా సుమారు రూ.450 కోట్ల మేర వసూలు చేసిందని సమాచారం. ఈ సినిమాను ఇప్పుడు డిస్నీ ప్లస్ హాట్ స్టార్‌లో వీక్షించొచ్చు. హిందీ, తెలుగుతోపాటు ఇతర భాషల్లోనూ సినిమాను అందుబాటులోకి తీసుకొచ్చాం అని టీమ్‌ ప్రకటించింది. మరి భారీ చిత్రాల వీక్షణకు మీరు రెడీనా!

‘ఆర్.ఆర్.ఆర్’ టు ‘కార్తికేయ’ టాలీవుడ్లో అత్యధిక కలెక్షన్లు రాబట్టిన సినిమాలు..!

Most Recommended Video

‘పుష్ప 2’ తో పాటు 2023 లో రాబోతున్న సీక్వెల్స్!
చిరు టు వైష్ణవ్.. ఓ హిట్టు కోసం ఎదురుచూస్తున్న టాలీవుడ్ హీరోల లిస్ట్..!
రూ.200 కోట్లు టు రూ.500 కోట్ల బడ్జెట్ తో రూపొందిన ఇండియన్ సినిమాల లిస్ట్..!