‘100% లవ్’ కు 10 ఏళ్ళు.. ఈ సూపర్ హిట్ ను మిస్ చేసుకున్న హీరోలు వీళ్ళే..!

అక్కినేని నాగ చైతన్య హీరోగా సుకుమార్ డైరెక్షన్లో తెరకెక్కిన చిత్రం ‘100% లవ్’. ‘గీతా ఆర్ట్స్’ బ్యానర్ పై అల్లు అరవింద్, బన్నీ వాస్ లు కలిసి ఈ చిత్రాన్ని నిర్మించారు. తమన్నా హీరోయిన్ గా నటించిన ఈ చిత్రానికి దేవి శ్రీ ప్రసాద్ సంగీత దర్శకుడు. 2011వ సంవత్సరం మే 11న ఈ చిత్రం విడుదలయ్యింది.మొదటి షోతోనే సూపర్ టాక్ ను సొంతం చేసుకున్న ఈ చిత్రం.. అప్పటికి నాగ చైతన్య కెరీర్లోనే బిగ్గెస్ట్ హిట్ గా నిలిచింది.

నేటితో ‘100% లవ్’ విడుదలయ్యి 10 ఏళ్ళు పూర్తి కావస్తోంది. దాంతో అతని అభిమానులు సోషల్ మీడియాలో ‘#10yearsfor100percentlove, #10YearsForBB100PercentLove’ వంటి హ్యాష్ ట్యాగ్ లతో ట్రెండ్ చేస్తున్నారు. ఇదిలా ఉండగా.. ఈ చిత్రానికి ఫస్ట్ ఛాయిస్ నాగ చైతన్య కాదట ఇద్దరు హీరోలు రిజెక్ట్ చేస్తే.. ఇది అతని వద్దకు వెళ్ళిందట. విషయంలోకి వెళితే.. ‘100% లవ్’ చిత్రం కథని మొదట అల్లు అర్జున్ కు వినిపించాడట దర్శకుడు సుకుమార్.

కానీ ఆ టైములో అతను వినాయక్ డైరెక్షన్లో ‘బద్రీనాథ్’ అనే భారీ బడ్జెట్ చిత్రం చేస్తుండడంతో దీనిని వదులుకున్నట్టు.. స్వయంగా అల్లు అర్జునే ఓ లైవ్ షోలో చెప్పుకొచ్చాడు. అటు తరువాత హీరో వరుణ్ సందేష్ కు కూడా ఈ కథని వినిపించాడట సుకుమార్. కథ అతనికి బాగా నచ్చింది. కానీ కొన్ని కారణాల వలన అతను కూడా ఈ ప్రాజెక్టుని కాదనుకున్నాడు.ఫైనల్ అది చైతన్య వద్దకు వెళ్ళినట్టు స్పష్టమవుతుంది.

Most Recommended Video

‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
‘జెర్సీ’ లోని ఈ 15 ఎమోషనల్ డైలాగ్స్ ను ఎప్పటికీ మరచిపోలేము..!