ఇండియన్ జేమ్స్ కేమరూన్ గా పేరొందిన దర్శకుడు శంకర్. ఈ సినిమా చాలా గ్రాండియర్ అనిపిస్తుంటుంది. క్లాస్ ఆడియెన్స్, మాస్ ఆడియెన్స్ అనే తేడా ఉండదు. పక్క భాషల్లోకి డబ్ చేస్తే అది పరభాషా చిత్రమనే ఫీలింగ్ కూడా కలుగదు. అంతలా ఎంటర్టైన్ చేస్తుంటుంది శంకర్ సినిమా. ఈయన కెరీర్లో ఎన్నో బ్లాక్ బస్టర్లు ఉన్నాయి. అయితే కెరీర్ ప్రారంభం నుండీ ఈయనకి ఓ అలవాటు ఉంది. ఒక పెద్ద సినిమా కనుక చేస్తే అటు తర్వాత ఒక లవ్ స్టోరీ చేస్తుంటారు.
అదే విధంగా కమల్ హాసన్ తో చేసిన ‘భారతీయుడు’ బ్లాక్ బస్టర్ అయ్యాక ‘జీన్స్’ అనే లవ్ స్టోరీని తెరకెక్కించాడు. ఇద్దరు కవల పిల్లలు.. వాళ్ళకి కవలలనే ఇచ్చి పెళ్ళి చేయాలనుకునే తండ్రి, కానీ ఆ ఇద్దరు కవలలు అనుకోకుండా ఒకే అమ్మాయిని ప్రేమించడం.. ఆ తర్వాత ఎదురైన పరిస్థితులు నేపథ్యంలో ఆద్యంతం అలరించే విధంగా శంకర్ ఈ చిత్రాన్ని తెరకెక్కించాడు. సినిమా కూడా బ్లాక్ బస్టర్ అయ్యింది. హీరో ప్రశాంత్ ఈ చిత్రంతో మంచి క్రేజ్ ను సంపాదించుకున్నాడు.
తెలుగులో కూడా ఇతను పాపులారిటీ దక్కించుకున్నాడు. అయితే ఈ చిత్రానికి మొదటి ఛాయిస్ ప్రశాంత్ కాదట. దర్శకుడు శంకర్ మొదట ఈ కథని అబ్బాస్ కు వినిపించాడట. కానీ ‘ప్రేమదేశం’ హిట్ అవ్వడంతో అబ్బాస్ రేంజ్ పెరిగింది. ఆ టైములో అతను 10 సినిమాలతో బిజీగా ఉన్నాడు. దాంతో శంకర్ కు నొ చెప్పాడు అబ్బాస్. అటు తర్వాత ఈ కథని అజిత్ కు కూడా వినిపించాడు శంకర్. కానీ అజిత్ కూడా ఆ టైంకి వరుస సినిమాలకి కమిట్ అయ్యి బిజీగా గడుపుతున్నాడు.
ఫైనల్ గా ఈ కథని ప్రశాంత్ కు వినిపించాడు శంకర్. ఆ టైంకి ప్రశాంత్ కూడా 7 సినిమాలకి ఓకె చెప్పాడు. కానీ శంకర్ చెప్పిన కథ నచ్చడంతో ఆ 7 సినిమాలని పక్కన పెట్టి ‘జీన్స్’ చేసి బ్లాక్ బస్టర్ అందుకున్నాడు.
Most Recommended Video
బ్రహ్మానందం కామెడీతో హిట్టైన 10 సినిమాల లిస్ట్..!
తమిళంలో సత్తా చాటిన తెలుగు సినిమాలు … టాప్ 10 లిస్ట్ ఇదే ..!
అంతా ఓకే అయ్యి ఆగిపోయిన చిరంజీవి సినిమాలివే!
