RRR Movie: ఆర్ఆర్ఆర్ కు ఉమైర్ మరో రివ్యూ.. ఏం చెప్పారంటే?

March 21, 2022 / 10:22 PM ISTByFilmy Focus

Join Us

RRR Movie: ఆర్ఆర్ఆర్ కు ఉమైర్ మరో రివ్యూ.. ఏం చెప్పారంటే?

మరో 72 గంటల్లో థియేటర్లలో ఆర్ఆర్ఆర్ మూవీ రిలీజ్ కానున్న సంగతి తెలిసిందే. చరణ్, తారక్ ఫ్యాన్స్ కళ్లు కాయలు కాచేలా ఈ సినిమా కోసం ఎదురుచూస్తున్నారు. ఫస్ట్ వీకెండ్ వరకు ఈ సినిమాకు హైదరాబాద్ నగరంలో టికెట్లు దొరికే పరిస్థితులు లభించడం లేదు. ఇతర వెర్షన్లతో పోల్చి చూస్తే ఆర్ఆర్ఆర్ తెలుగు వెర్షన్ కు రికార్డు స్థాయిలో బుకింగ్స్ జరుగుతుండటం గమనార్హం.

Click Here To Watch NEW Trailer

ఆర్ఆర్ఆర్ సినిమాకు పాజిటివ్ టాక్ వస్తే మాత్రం బాక్సాఫీస్ వద్ద కలెక్షన్ల విషయంలో కొత్త రికార్డులు క్రియేట్ అవుతాయనడంలో సందేహం అవసరం లేదు. అయితే ఆర్ఆర్ఆర్ సినిమాకు ప్రముఖ క్రిటిక్ ఉమైర్ సంధు మరో రివ్యూ ఇచ్చారు. ఆర్ఆర్ఆర్ జనవరి 7వ తేదీన రిలీజ్ అవుతుందని ప్రచారం జరిగిన సమయంలో ఉమైర్ సంధు ఒక రివ్యూ ఇచ్చారు. అయితే ఈసారి హీరోల పర్ఫామెన్స్ ను ఒక రేంజ్ లో ప్రశంసిస్తూ ఉమైర్ సంధు రివ్యూ ఇవ్వడం గమనార్హం.

ఈ రివ్యూలో ఉమైర్ సంధు ఆర్ఆర్ఆర్ మూవీకి ఎన్టీఆర్ పాత్ర ఆత్మలాంటిదని వెల్లడించారు. తారక్ తన పాత్రతో ప్రేక్షకులకు మరింత చేరువ అవుతారని ఉమైర్ సంధు అన్నారు. చరణ్ తన నటనతో టెర్రిఫిక్ గా కనిపిస్తారని చరణ్ రోల్ మరింత అద్భుతంగా ఉంటుందని ఉమైర్ సంధు పేర్కొన్నారు. బాక్సాఫీస్ దగ్గర కలెక్షన్ల మంటలు చెలరేగుతాయని ఉమైర్ సంధు తెలిపారు. డెడ్లీ కాంబో అద్భుతంగా బాక్సాఫీస్ దగ్గర ఆవిష్కృతం కానుందని ఉమైర్ సంధు చెప్పుకొచ్చారు.

దర్శకుడు రాజమౌళి కలలకు ఆర్ఆర్ఆర్ ప్రతిరూపమని ఇండియన్స్ గర్వపడే విధంగా ఈ సినిమా ఉండనుందని ఉమైర్ సంధు తెలిపారు. ఇద్దరు హీరోల కెరీర్ లో ఈ సినిమా బెస్ట్ మూవీ అవుతుందని ఉమైర్ సంధు తెలిపారు. ఇన్ స్టాగ్రామ్ స్టోరీస్ ద్వారా ఉమైర్ సంధు ఈ విషయాలను వెల్లడించారు. అజయ్ దేవగణ్ పాత్ర సర్ప్రైజ్ గా ఉంటుందని ఉమైర్ సంధు పేర్కొన్నారు. అయితే ఉమైర్ సంధు రివ్యూలపై ప్రేక్షకుల్లో భిన్నాభిప్రాయాలు ఉన్నాయి.