‘అన్‌స్టాపబుల్‌’ విజయాన్ని కొనసాగిస్తూ బాలకృష్ణ ‘అన్‌స్టాపబుల్‌ 2’ స్టార్ట్‌ చేసిన విషయం తెలిసిందే. తెదేపా అధినేత నారా చంద్రబాబు నాయుడు ముఖ్య అతిథిగా తొలి ఎపిసోడ్‌ స్ట్రీమ్‌ అయ్యింది. ఆ తర్వాత రెండో వారం బాగానే ఎపిసోడ్‌ వచ్చింది. ఆ తర్వాత ఏమైందో ఏమో.. ఎపిసోడ్ల రిలీజ్‌లు టైమింగ్‌ మిస్‌ అవుతోంది. ఎపిసోడ్‌ ఎప్పుడు వస్తుంది అనే విషయంలో క్లారిటీ ఉండటం లేదు. రెండు వారాలకు ఓ ఎపిసోడ్‌ వచ్చిన, వస్తున్న సందర్భాలున్నాయి. ఇది పక్కనపెడితే.. అన్‌ఈవెన్‌ కాంబినేషన్లు కూడా కనిపిస్తున్నాయి.
సినిమా – పాలిటిక్స్‌ అనే కాంబినేషన్‌ కొత్తేమీ కాదు. అయితే ‘అన్‌స్టాపబుల్‌’లో మాత్రం ఈ కాంబినేషన్‌ కొత్తే. తొలి సీజన్‌లో అలాంటిది మనం చూడలేదు. ఈసారి తొలి ఎపిసోడే ఈ కాంబినేషన్లో వచ్చింది. ఆ తర్వాత సినిమా వాళ్లే వచ్చారు. మధ్యలో హఠాత్తుగా స్నేహితులు అంటూ మాజీ సీఎం కిరణ్‌ కుమార్‌ రెడ్డి, మాజీ స్పీకర్‌ సురేశ్‌ రెడ్డిని తీసుకొచ్చారు. ఆ ఇద్దరితో ఆగకుండా ఆ ఎపిసోడ్‌కే సీనియర్ నటి రాధికను తీసుకొచ్చారు. దీంతో ఇదేం కాంబినేషన్‌ బాబూ అనుకున్నారంతా. ఇప్పుడు అలాంటిదే మరొకటి జరుగుతోంది.
వచ్చే వారం అన్‌స్టాపబుల్‌లో జయప్రద, జయసుధ రాబోతున్నారు. దీంతో పోనీలే ఒకే తరం నాయికలు వస్తున్నారు అని అనుకున్నారంతా. అయితే వారిద్దరికి మధ్యలో రాశీ ఖన్నాను కూడా తీసుకొస్తున్నారు. దీంతో ఇదేం కాంబినేషన్‌ అనే ప్రశ్న మొదలైంది. వైవిధ్యం ఉండాలి కానీ.. అస్సలు సంబంధం లేని వైవిధ్యం ఉండకూడదు అనే మాట వినిపిస్తోంది. చాలామంది షో ఫాలోవర్స్‌ కూడా అసలు ఈ ముగ్గురినీ కలపాలనే ఆలోచన ఎలా వచ్చిందంటావ్‌ అంటూ ‘యమలీల’ సినిమాలో కోట శ్రీనివాసరావు, బ్రహ్మానందం ఎపిసోడ్‌ను గుర్తు చేసుకుంటున్నారు.
‘అన్‌స్టాపబుల్‌ 2’కి గెస్ట్‌ల సమస్య ఉందని మూడో ఎపిసోడ్‌కే అర్థమైపోయింది. ఆ తర్వాత కొందరు వచ్చినా.. స్టార్‌ ఫ్లేవర్‌ తగ్గిపోయింది అనే మాటలు వచ్చాయి. ఇప్పుడు అన్‌ఈవెన్‌ గెస్ట్‌లు అనే మాటలొస్తున్నాయి. దీంతో ఈ విషయంలో టీమ్‌ కాస్త దృష్టి పెట్టాల్సిందే అంటున్నారు నెటిజన్లు.
అవతార్: ద వే ఆఫ్ వాటర్ సినిమా రివ్యూ& రేటింగ్!
2022లో రీ రిలీజ్ అయిన సినిమాలు ఏవో తెలుసా?
2022లో ప్రపంచ బాక్సాఫీస్‌ని షేక్ చేసిన 12 సాలిడ్ సీన్స్ ఏవో తెలుసా..!
డిజె టిల్లు టు కాంతార….ఈ ఏడాది వచ్చిన సినిమాల్లో వీకెండ్ కే బ్రేక్ ఈవెన్ సాధించిన 10 సినిమాలు ఇవే!
