చిరంజీవి 151 సినిమాలో కీలకరోల్ చేయనున్న ఉపేంద్ర

బాహుబలి సినిమా తెలుగు హీరోల్లో ఉత్సాహాన్నిచ్చింది. నిర్మాతల్లో ధైర్యాన్ని నింపింది. అందుకే తెలుగు సినిమాను ఏకకాలంలో నాలుగు భాషల్లో తెరకెక్కించడానికి ప్రయత్నిస్తున్నారు. ఈ జాబితాలో మెగాస్టార్ చిరంజీవి కూడా ఉన్నారు. ఖైదీ నంబర్ 150 తో గ్రాండ్ రీ ఎంట్రీ ఇచ్చిన ఆయన.. 151 సినిమాతో దేశ వ్యాప్తంగా మార్కెట్ పెంచుకోవాలని ప్లాన్ చేస్తున్నారు. సురేందర్ రెడ్డి దర్శకత్వంలో చిరు చేయనున్న ఉయ్యాలవాడ నరసింహారెడ్డి చిత్రానికి ఇంట్రనేషనల్ టెక్నీషియన్లను, నాలుగు భాషల ఆర్టిస్టులను తీసుకుంటున్నారు. ఆస్కార్ అవార్డు విజేత ఏఆర్ రెహ్మాన్ ను సంగీత దర్శకుడిగా సెలక్ట్ చేశారు. హీరోయిన్ గా ఐశ్వర్య రాయ్ ని పరిశీలిస్తున్నారు.

తాజాగా ఈ సినిమాలో కన్నడ సూపర్ స్టార్ ఉపేంద్ర నటించనున్నట్లు తెలిసింది. ఈ సినిమాలో ఓ కీలక పాత్రలో ఆయన కనిపించనున్నట్లు సమాచారం. ఉపేంద్రకు సురేందర్ రెడ్డి కథ చెప్పడం, ఆయనకు నచ్చడం జరిగిపోయాయంట. ఇక సైన్ చేయడమే మిగిలిందని టాలీవుడ్ వర్గాల వారు తెలిపారు. స్వాతంత్ర సమరయోధుడి జీవిత గాధను కళ్ళకు కట్టాలని జాతీయ అవార్డు గ్రహీత కమల్ కన్నన్  కూడా చిత్ర బృందంలో జాయిన్ అయ్యారు. ఇలా రామ్ చరణ్ తేజ్  ఎక్కడ రాజీ పడకుండా భారీ బడ్జెట్ తో ఈ చిత్రాన్ని నిర్మిస్తున్నారు.

Also, do SUBSCRIBE to our YouTube channel to get latest Tollywood updates.