ఇప్పుడంటే విజయ్ దేవరకొండ ‘అర్జున్ రెడ్డి’ వంటి సినిమాలు చూసి హీరో ఆటిట్యూడ్ అంటున్నారు కానీ.. దానికి డెఫినిషన్ గా మారిందే మన ఉపేంద్ర. కన్నడలో ఇతనో స్టార్ హీరో. అప్పుడప్పుడు తెలుగు ప్రేక్షకుల్ని కూడా పలకరిస్తూ ఉంటాడు. పలు హిట్లు కూడా అందుకున్నాడు. ఇక కొంచెం గ్యాప్ తర్వాత త్రివిక్రమ్- బన్నీ కాంబినేషన్లో తెరకెక్కిన ‘సన్ ఆఫ్ సత్యమూర్తి’ చిత్రంతో తెలుగు ప్రేక్షకులని పలకరించాడు ఉపేంద్ర. ఆ చిత్రం హిట్ అయ్యింది. తరువాత వరుసగా తెలుగు సినిమాల్లో క్యారెక్టర్ ఆర్టిస్ట్ గా చేస్తాడు అని అంతా భావించారు.
ఈ క్రమంలో ఎంతో మంది దర్శక నిర్మాతలు ఆయన్ని సంప్రదించారు కూడా..! అయితే వరుస సినిమాలతో బిజీగా ఉండడంతో కుదరదు అని చెప్పి అప్పుడు రిజెక్ట్ చేసాడట. మహేష్ బాబు ‘సరిలేరు నీకెవ్వరు’ చిత్రంలో కూడా విలన్ పాత్రకు ఉపేంద్ర ను సంప్రదించారు. అప్పుడు కూడా అదే రీజన్ చెప్పి రిజెక్ట్ చేసాడట. తరువాత ఆ పాత్రకి జగపతి బాబు అనుకున్నారు.. ఆయన కూడా కొన్ని పరిస్థితుల వల్ల చేయలేకపోయానని అప్పుడో వీడియో కూడా రిలీజ్ చేసిన సంగతి తెలిసిందే. చివరికి ఆ పాత్రని ప్రకాష్ రాజ్ చేయడం జరిగింది. ఇదిలా ఉంటే.. ఇప్పుడు ఉపేంద్ర మరో మెగా హీరో సినిమాలో నటించబోతున్నాడట. ఆ మెగా హీరో మరెవరో కాదు వరుణ్ తేజ్. వివరాల్లోకి వెళితే.. వరుణ్ తన తరువాతి సినిమాని కిరణ్ కొర్రపాటి డైరెక్షన్లో చేస్తున్న సంగతి తెలిసిందే. ఈ చిత్రంలో ఓ కీలక పాత్రకు ఉపేంద్రని తీసుకున్నారట. ఈ చిత్రంలో కూడా ఉపేంద్ర పాత్ర ఎంతో కీలకమని తెలుస్తుంది. త్వరలో దీనికి సంబంధించిన అధికారిక ప్రకటన రానుందని సమాచారం.
Most Recommended Video
యురేక సినిమా రివ్యూ & రేటింగ్!
మధ సినిమా రివ్యూ & రేటింగ్!
మన టాలీవుడ్ డైరెక్టర్స్ మరియు వారి భార్యలు..!
