Mahesh Babu: మహేష్ పూర్తి చేశారు.. వాళ్లదే ఆలస్యం..?

June 9, 2021 / 07:04 PM ISTByFilmy Focus

Join Us

Mahesh Babu: మహేష్ పూర్తి చేశారు.. వాళ్లదే ఆలస్యం..?

టాలీవుడ్ సూపర్ స్టార్ మహేష్ బాబు సిల్వర్ స్క్రీన్ పైనే కాదు రియల్ లైఫ్ లో కూడా హీరో అని ప్రూవ్ చేసుకుంటున్న సంగతి తెలిసిందే. మే 31వ తేదీన కృష్ణ పుట్టినరోజు సందర్భంగా బుర్రిపాలెం ప్రజలకు మహేష్ బాబు కరోనా వ్యాక్సిన్లు వేయించారు. కేవలం ఏడు రోజుల్లో ఈ ప్రక్రియ పూర్తి కావడం గమనార్హం. ఇప్పటికే వేల సంఖ్యలో పిల్లలకు గుండె శస్త్రచికిత్సలు చేయించి మహేష్ బాబు గొప్ప మనస్సును చాటుకున్నారు.

ఏదైనా హామీ ఇస్తే ఆ హామీని వేగంగా పూర్తి చేస్తూ మహేష్ బాబు నిజంగా శ్రీమంతుడేనని ప్రూవ్ చేసుకుంటున్నారు. ఒక గ్రామం మొత్తానికి వ్యాక్సిన్లు వేయించడం సాధారణ విషయం కాకపోయినా మహేష్ మాత్రం సులువుగా ఆ పనిని పూర్తి చేశారు. మరి కొందరు హీరోలు కూడా ఈ తరహా హామీలు ఇచ్చినా ఆ హామీలు నెరవేరాల్సి ఉంది. మహేష్ బాబు సతీమణి నమ్రత సోషల్ మీడియా వేదికగా వ్యాక్సినేషన్ ప్రక్రియ ముగిసినట్లు వెల్లడించారు.

నమ్రత తన పోస్ట్ లో ఏపీ హాస్పిటల్స్ కు ధన్యవాదాలు తెలపడంతో పాటు మహేష్ బాబుకు స్పెషల్ థ్యాంక్స్ చెప్పారు. మహేష్ ప్రస్తుతం సర్కారు వారి పాట సినిమాతో పాటు త్రివిక్రమ్ సినిమాకు గ్రీన్ సిగ్నల్ ఇచ్చారు. సర్కారు వారి పాట రిలీజ్ డేట్ మారే అవకాశం ఉందని వార్తలు వస్తుండగా త్రివిక్రమ్ మహేష్ కాంబినేషన్ సినిమా మహేష్ పుట్టినరోజు సందర్భంగా ఆగష్టు 9వ తేదీన లాంఛనంగా ప్రారంభమయ్యే అవకాశాలు ఉన్నాయని తెలుస్తోంది.