Vaishnav Tej: బుచ్చిబాబుకు మరో హీరో దొరుకుతాడా?

టాలీవుడ్ యంగ్ హీరోలలో ఒకరైన వైష్ణవ్ తేజ్ తొలి సినిమా ఉప్పెనతో భారీ బ్లాక్ బస్టర్ హిట్ సాధించారు. ఈ సినిమా రికార్డు స్థాయిలో కలెక్షన్లను సాధించి వైష్ణవ్ కు అరుదైన రికార్డులు సొంతం కావడానికి కారణమైంది. సుకుమార్ శిష్యుడు బుచ్చిబాబు సానా ఈ సినిమాకు దర్శకత్వం వహించగా దర్శకునిగా బుచ్చిబాబుకు కూడా మంచి పేరు వచ్చింది. అయితే ఆ సినిమా తర్వాత బుచ్చిబాబు సానా ఎన్టీఆర్ కు ఒక కథ చెప్పి ఒప్పించారు.

ప్రస్తుతం ఎన్టీఆర్ వరుస సినిమాలతో బిజీగా ఉండటంతో ఎన్టీఆర్ బుచ్చిబాబు కాంబో మూవీ ఆలస్యమవుతోంది. మరోవైపు బుచ్చిబాబు వైష్ణవ్ తేజ్ తో మరో సినిమా తీయాలని ప్రయత్నాలు చేస్తున్నా వైష్ణవ్ వరుసగా ఇతర డైరెక్టర్లతో సినిమాలకు గ్రీన్ సిగ్నల్ ఇవ్వడంతో ఈ కాంబోలో సినిమా రావడం కష్టమేనని సమాచారం. ఉప్పెనలో నటించిన హీరోయిన్ కృతిశెట్టి సైతం వరుస ఆఫర్లతో బిజీగా ఉన్న సంగతి తెలిసిందే. బుచ్చిబాబు ప్రస్తుతం ఒక యంగ్ హీరోతో సినిమాను ప్లాన్ చేస్తున్నారని సమాచారం.

అయితే ఈ సినిమా ఎప్పటినుంచి మొదలవుతుందో తెలియాల్సి ఉంది. చాలామంది డైరెక్టర్లు తొలి సినిమాతో హిట్ కొట్టినా రెండో ప్రయత్నంలో ఫెయిల్ అయ్యారు. బుచ్చిబాబు రెండో ప్రయత్నంలో సక్సెస్ అవుతారో ఫెయిల్ అవుతారో చూడాల్సి ఉంది. బుచ్చిబాబు రెండో సినిమాతో కూడా సక్సెస్ సాధిస్తే ఈ డైరెక్టర్ కు స్టార్ డైరెక్టర్ గా గుర్తింపు వచ్చే అవకాశం ఉంది.

Most Recommended Video

చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!