ఉప్పెన సినిమాతో ఓవర్ నైట్ లో వైష్ణవ్ తేజ్ స్టార్ స్టేటస్ ను సొంతం చేసుకున్నారు. ఈ సినిమా 100 కోట్ల రూపాయల గ్రాస్ కలెక్షన్లను సాధించి బాక్సాఫీస్ వద్ద బ్లాక్ బస్టర్ హిట్ గా నిలిచింది. వైష్ణవ్ నటించిన కొండపొలం వచ్చే నెల 8వ తేదీన థియేటర్లలో రిలీజ్ కానుంది. అయితే వైష్ణవ్ తేజ్ ప్రముఖ దర్శకుడు విష్ణువర్ధన్ డైరెక్షన్ లో ఒక సినిమాకు గ్రీన్ సిగ్నల్ ఇచ్చారని తెలుస్తోంది.
షేర్ షా సినిమాతో హిట్ కొట్టిన ఈ డైరెక్టర్ తో సినిమా చేయడానికి వైష్ణవ్ తేజ్ ఆసక్తి చూపిస్తున్నారని సమాచారం. గతంలో విష్ణువర్ధన్ తెలుగులో పవన్ కళ్యాణ్ హీరోగా తెరకెక్కిన పంజా సినిమాకు దర్శకత్వం వహించారు. పంజా సినిమా బాక్సాఫీస్ వద్ద డిజాస్టర్ గా నిలిచిన సంగతి తెలిసిందే. పంజా తర్వాత విష్ణువర్ధన్ కు తెలుగులో పెద్దగా ఆఫర్లు రాలేదు. వైష్ణవ్ తో సక్సెస్ సాధిస్తే విష్ణువర్ధన్ కు మూవీ ఆఫర్లు పెరిగే అవకాశం ఉంది.
వైష్ణవ్ తేజ్ ఆచితూచి సినిమాలను ఎంపిక చేసుకుంటూ దర్శకుల ఎంపిక విషయంలో జాగ్రత్తలు తీసుకుంటున్నారు. కొండపొలం సినిమాతో సక్సెస్ సాధిస్తే వైష్ణవ్ తేజ్ కు క్రేజ్, రెమ్యునరేషన్ మరింత పెరిగే అవకాశం ఉంది. ప్రస్తుతం వైష్ణవ్ ఒక్కో సినిమాకు 5 కోట్ల రూపాయల పారితోషికం తీసుకుంటున్నారని తెలుస్తోంది. తొలి సినిమాతోనే మిడిల్ రేంజ్ హీరోగా వైష్ణవ్ తేజ్ గుర్తింపును సొంతం చేసుకోవడం గమనార్హం. వైష్ణవ్ నమ్మకాన్ని విష్ణువర్ధన్ నిలబెట్టుకుంటారో లేదో చూడాల్సి ఉంది.
Most Recommended Video
టక్ జగదీష్ సినిమా రివ్యూ & రేటింగ్!
సీటీమార్ సినిమా రివ్యూ & రేటింగ్!
తలైవి సినిమా రివ్యూ & రేటింగ్!
