స్టార్ హీరో అజిత్ నటించిన ‘వలిమై’ సినిమా ఈ వారంలో భారీ అంచనాల మధ్య విడుదలైంది. తెలుగులో కూడా ఈ సినిమాను భారీగానే విడుదల చేశారు. అయితే తెలుగులో ఈ సినిమాకి నెగెటివ్ టాక్ వచ్చింది. పైగా శుక్రవారం నాడు పవన్ కళ్యాణ్ ‘భీమ్లానాయక్’ సినిమా విడుదల కావడంతో అజిత్ సినిమాని చూసేవారు కరువయ్యారు. కానీ తమిళంలో మాత్రం ‘వలిమై’ సినిమా భారీ కలెక్షన్స్ తో దూసుకెళ్తుంది. అక్కడ ప్రేక్షకుల నుంచి ఈ సినిమా పట్ల సానుకూల స్పందనే వస్తోంది.
రివ్యూలన్నీ కూడా పాజిటివ్ గానే వచ్చాయి. ఈ సినిమాలో మెయిన్ గా యాక్షన్ సీక్వెన్స్ ల గురించే అందరూ మాట్లాడుకుంటున్నారు. అలానే విలన్ పాత్ర, నేపథ్యంలో కొత్తగా ఉందని అంటున్నారు. అంతకుమించి సినిమాలో పెద్దగా విషయం ఏమీలేదని అంటున్నారు. అయితే దర్శకుడు హెచ్.వినోద్ ఈ సినిమా కాన్సెప్ట్ ను జాకీ చాన్ నటించిన హాంకాంగ్ సినిమా నుంచి కాపీ చేశాడనే ఆరోపణలు వస్తున్నాయి. ‘ది న్యూ పోలీస్ స్టోరీ’ 2004లో విడుదలైన జాకీచాన్ యాక్షన్ థ్రిల్లర్ సినిమా ఇది.
ఈ సినిమాను స్వయంగా జాకీచానే నిర్మించారు. ఈ సినిమా ట్రైలర్ యూట్యూబ్ లో కూడా ఉంది. అది చూస్తే ‘వలిమై’ సినిమా దానికి స్ఫూర్తిగా తీశారనే విషయం అర్ధమవుతోంది. అందులో కూడా హీరో పోలీస్ ఆఫీసర్ గానే నటించారు. తన టీమ్ తో కలిసి బైక్ బ్యాచ్ మీద ఎటాక్ చేయడానికి ప్రయత్నిస్తుంటాడు హీరో. ఆ సన్నివేశాలన్నీ ‘వలిమై’ సినిమాకి దగ్గరగా ఉన్నాయి. ఇక ‘వలిమై’ పతాక సన్నివేశాల్లో హీరో కుటుంబ సభ్యులందరినీ తాళ్లతో పైన వేలాడదీసే సీన్ ఉంటుంది.
అదే సీన్ జాకీచాన్ సినిమా ట్రైలర్ లో కూడా కనిపిస్తోంది. దీంతో ‘వలిమై’ సినిమా ‘ది న్యూ పోలీస్ స్టోరీ’గా స్ఫూర్తిగా తీశారంటూ సోషల్ మీడియాలో ప్రచారం జరుగుతోంది.
Most Recommended Video
‘భీమ్లా నాయక్’ తో పాటు పవన్ హీరోగా రీమేక్ అయిన 12 సినిమాల లిస్ట్..!
తమిళంలో సత్తా చాటిన తెలుగు సినిమాలు … టాప్ 10 లిస్ట్ ఇదే ..!
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
