టాలీవుడ్ లో టాప్ డైరెక్టర్ గా గుర్తింపు తెచ్చుకున్నాడు వంశీ పైడిపల్లి. ఆయన తెరకెక్కించిన ‘ఊపిరి’, ‘మహర్షి’ లాంటి సినిమాలు భారీ విజయాలను అందుకున్నాయి. రెండేళ్లక్రితం విడుదలైన ‘మహర్షి’ సినిమాకి నేషనల్ అవార్డు సైతం దక్కింది. ఈ సినిమా చేస్తోన్న సమయంలోనే మహేష్ బాబు.. వంశీతో మరో సినిమా చేయాలనుకున్నాడు. కానీ మహేష్ కి సరిపడా కథను సిద్ధం చేయలేకపోయాడు వంశీ. దీంతో మహేష్ ‘సర్కారు వారి పాట’ సినిమాను మొదలుపెట్టాడు.
దీంతో వంశీ పైడిపల్లి మరో స్టార్ హీరో కోసం చూశాడు. రామ్ చరణ్ లాంటి హీరోకి కూడా కథ చెప్పాడు. కానీ కుదరలేదు. ఇప్పుడు మెగాస్టార్ చిరంజీవిపై వంశీ పైడిపల్లి దృష్టి పెట్టినట్లు సమాచారం. ఈ మధ్యకాలంలో చిరంజీవి చాలా మంది దర్శకులకు అవకాశాలు ఇస్తున్నాడు. బాబీ, మెహర్ రమేష్ లాంటి దర్శకులకు కూడా ఆయన అవకాశాలు ఇచ్చిన సంగతి తెలిసిందే. మెహర్ లాంటి ప్లాపుల్లో ఉన్న దర్శకుడికే ఛాన్స్ ఇచ్చినప్పుడు.. వంశీ పైడిపల్లి చెప్పే కథ నచ్చితే కచ్చితంగా ఛాన్స్ ఇస్తారు.
పైగా.. అల్లు అరవింద్ సహకారంతో వంశీకి మెగా కాంపౌండ్ యాక్సెస్ ఈజీగానే దొరికిందట. ఇటీవల చిరుకి ఓ కథ కూడా చెప్పినట్లు సమాచారం. అయితే చిరు ఇంకా ఎలాంటి నిర్ణయం తీసుకోలేదని చెబుతున్నారు. చిరు ఓకే చెప్పేస్తే.. వంశీకి హీరో దొరికేసినట్లే. ప్రస్తుతం చిరు ‘ఆచార్య’ సినిమాతో పాటు.. ‘లూసిఫర్’ రీమేక్ లో నటిస్తున్నాడు. త్వరలోనే బాబీ, మెహర్ రమేష్ సినిమాలు కూడా మొదలుపెట్టబోతున్నారు.
Most Recommended Video
‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
