సీనియర్ నటుడు శరత్ కుమార్ (Sarathkumar) కూతురు వరలక్ష్మి శరత్ కుమార్ (Varalaxmi Sarathkumar) గురించి ప్రత్యేక పరిచయం అవసరం లేదు. తమిళ సినిమాలతో కెరీర్ ప్రారంభించింది. అక్కడ హీరోయిన్ గా చాలా సినిమాలు చేసింది. స్టార్ హీరోయిన్ కూతురు అనే ట్యాగ్ ని అడ్డు పెట్టుకోకుండా.. ఓ రేంజ్లో గ్లామర్ షో చేసింది. దానికి ఆమె ఎక్కడా తగ్గలేదు. కానీ ఆమెకు అనుకున్నంత గుర్తింపు రాలేదు. దీంతో ఇక ఆమె పని అయిపోయినట్టే అని అంతా అనుకున్నారు.
కానీ తక్కువ టైంలోనే సెకండ్ ఇన్నింగ్స్ స్టార్ట్ చేసి అందరికీ షాకిచ్చింది.పలు సినిమాల్లో విలక్షణమైన పాత్రలు చేయడం మొదలుపెట్టింది. తెలుగులో కూడా ‘క్రాక్’ (Krack) అనే సినిమా చేసింది. అందులో జయమ్మ ఆమె పాత్ర ఆమెకు బాగా కలిసొచ్చింది. ఆ తర్వాత నుండి తెలుగులో ఆమెకు మంచి మంచి పాత్రలు వరించాయి. అయితే ఆమె ఇండస్ట్రీకి వచ్చిన కొత్తలో ఎదుర్కొన్న ఓ నెగిటివ్ కామెంట్ గురించి ఆమె ఇటీవల ఓ ఇంటర్వ్యూలో రివీల్ చేసింది.
వరలక్ష్మీ శరత్ కుమార్…. “నేను ఇండస్ట్రీకి వచ్చిన కొత్తలో నా నెగిటివ్స్ గురించి జనాలు ఏమనుకుంటారో అని అనుకునేదాన్ని. కానీ అప్పుడు నాలో ఒక్కటే నెగిటివ్ అని అన్నారు. అదే నా వాయిస్ గురించి. ఈ వాయిస్ తో ఎలా లాక్కొస్తావు. డబ్బింగ్ చెప్పించుకోవచ్చు కదా అని అన్నారు. కానీ తర్వాత నాకు అదే ప్లస్ అయ్యింది. అంతా నెగిటివ్ అనుకున్నదే నన్ను పాపులర్ చేసింది అని నేను అనుకుంటాను.
నాకు నెగిటివ్ అనుకున్నదే పాజిటివ్ అయ్యింది అని ఇప్పుడు అంతా చెప్పుకుంటున్నారు” అంటూ చెప్పుకొచ్చింది. వరలక్ష్మీ వాయిస్ కొంచెం రఫ్ గా ఉంటుంది. దాని వల్ల ఆమె నటిగా క్లిక్ అవ్వదేమో అనుకున్నారు. కానీ ఆమె విలక్షణ పాత్రలకి అదే బాగా సెట్ అయ్యింది అని చెప్పాలి.
