పిచ్చెక్కిస్తున్న క్రాక్ మూవీ టాక్..!

చాలాకాలం తర్వాత గోపీచంద్ మలినేని డైరెక్షన్ లో మాస్ మహారాజా రవితేజ చేస్తున్న సినిమా క్రాక్. వరుసగా సినిమాలు ఆశించినంత ఫలితం రాకపోవడంతో ఈసారి సీరియస్ ఫిలిం చేస్తున్నాడు మన మాస్ మహారాజా రవితేజ. సిన్సియర్ పోలీస్ ఆఫీసర్ గా ఈ సినిమాలో తన నటవిశ్వరూపాన్ని చూపించబోతున్నాడు. రీసంట్ గా విడుదల అయిన పోస్టర్స్, అలాగే టీజర్ ఫ్యాన్స్ కి మంచి కిక్ ఇచ్చింది. అంతేకాదు, చాలా గ్యాప్ తర్వాత శృతిహాసన్ మరోసారి వెండితెరపై ఈ సినిమాతో తన అందాలతో ఆకట్టుకోబోతోంది. ఈ టైమ్ లో ఈ సినిమాకి సంబంధించిన ఒక ఇంట్రస్టింగ్ కథ సోషల్ మీడియాలో చక్కర్లు కొడుతోంది.

గతంలో ఈ సినిమా గోరంట్ల మాధవ్ బయోపిక్ అని ప్రచారం కూడా జరిగిన సంగతి తెలిసిందే. కానీ, దానికి దీనికి ఎలాంటి సంబంధం లేదని చెప్తోంది చిత్రయూనిట్. ఇక ఈసినిమాలో “రవి తేజ ఓ క్రిమినల్ ను ఎన్ కౌంటర్ చేస్తాడట. ఆ ఎనౌ కౌంటర్ చేసిన క్రిమినల్ భార్య పాత్రలో వరలక్ష్మీ శరత్ కుమార్ కనిపించబోతోందని అంటున్నారు. అంతేకాదు, తన భర్తను అంతం చేసిన హీరోపై పగ తీర్చుకునే విలన్ పాత్రలో వరలక్ష్మి శరత్ కుమార్ నటించిందట. అందుకోసం , రవితేజని టార్గెట్ చేసి ఫ్యామిలీని టార్చెర్ పెడుతుందని, శృతిహాసన్ ని చంపడానికి ప్రయత్నిస్తూ రవితేజకి నరకం చూపిస్తుందని అంటున్నారు.

ఇక ఈ సీన్స్ లో వరలక్షీ యాక్టింగ్ సినిమాకి హైలైట్ గా నిలుస్తుందని చెబుతున్నారు. వరలక్ష్మీ శరత్ కుమార్ కి ఈ సినిమాతో మంచి బ్రేక్ వస్తుందని చెప్తోంది మూవీ టీమ్. క్లైమాక్స్ లో రవితేజకి, వరలక్ష్మీకి వచ్చే సన్నివేశాలు కూడా బాగా ఆకట్టుకుంటాయని, లాస్ట్ లో వచ్చే ట్విస్ట్ సినిమాకే హైలెట్ అని అంటోంది మూవీ టీమ్. ఈసారి ఈ సినిమాతో ఖచ్చితంగా రవితేజ బ్లాక్ బస్టర్ హిట్ కొట్టేస్తాడని అంటున్నారు. బలుపు సినిమా తర్వాత వస్తున్న క్రేజీ కాంబినేషన్ కావడంతో ఫ్యాన్స్ అందరిలో అంచనాలు పెరిగిపోయాయి. మొత్తానికి అదీ మేటర్.

Most Recommended Video

2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!