ఇండస్ట్రీలో స్టార్ హీరోలుగా గుర్తింపు తెచ్చుకున్న హీరోలకు ఆ గుర్తింపు రావడానికి అభిమానులే ముఖ్య కారణమనే సంగతి తెలిసిందే. హీరోల సినిమాల టీజర్లు, ట్రైలర్లకు రికార్డు స్థాయిలో వ్యూస్ రావాలన్నా హీరోల ఖాతాల్లో కొత్త రికార్డులు చేరాలన్నా అభిమానుల మద్దతు ఉంటే మాత్రమే సాధ్యమవుతుంది. అయితే అభిమాని కుటుంబం కష్టాల్లో ఉంటే స్పందించి సహాయం చేసే గొప్పమనస్సు మాత్రం కొందరు హీరోలకు మాత్రమే ఉంటుంది.మెగా హీరో వరుణ్ తేజ్ అభిమానులలో ఒకరైన కరీంనగర్ జిల్లాకు చెందిన శేఖర్ దురదృష్టవశాత్తూ మృతి చెందారు.
శేఖర్ వరుణ్ తేజ్ ప్రతి సినిమాను కచ్చితంగా చూసేవారు. అయితే శేఖర్ మరణించిన విషయం వరుణ్ తేజ్ కు తెలియడంతో పాటు శేఖర్ కుటుంబం ఆర్థిక కష్టాలను ఎదుర్కొంటున్నట్టు వరుణ్ దృష్టికి వచ్చింది. వెంటనే స్పందించిన వరుణ్ తేజ్ 2 లక్షల రూపాయల సాయం ప్రకటించడంతో పాటు ఆ మొత్తాన్ని అభిమాని కుటుంబానికి అందేలా చేశారు. కష్టాల్లో ఉన్న తమకు వరుణ్ తేజ్ ఆర్థిక సాయం అందించడంతో శేఖర్ కుటుంబ సభ్యులు వరుణ్ కు ధన్యవాదాలు తెలిపారు.
వరుణ్ అభిమాని ఫ్యామిలీ కోసం చేసిన పనిని నెటిజన్లు ప్రశంసిస్తున్నారు. ఎఫ్3, గని సినిమాలలో ప్రస్తుతం వరుణ్ తేజ్ నటిస్తుండగా ఈ రెండు సినిమాలపై మంచి అంచనాలు నెలకొన్నాయి. కరోనా వల్ల వాయిదా పడిన ఈ రెండు సినిమాల రిలీజ్ డేట్లు తెలియాల్సి ఉంది. ఎఫ్3 సినిమా సంక్రాంతికి రిలీజయ్యే అవకాశాలు ఉన్నాయని సమాచారం.
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
