కెరీర్ ప్రారంభం నుండి భిన్నమైన సినిమాలు చేస్తూ మంచి విజయాలు అందుకుంటూ ప్రేక్షకుల మెప్పు అందుకుంటున్నాడు మెగా హీరో వరుణ్ తేజ్. అయన చేసిన ప్రతి సినిమా మరొక సినిమాకు ఎక్కడ పోలిక ఉండదు. తాజాగా తొలిప్రేమ సినిమాతో మంచి విజయాన్ని అందుకున్న వరుణ్ ప్రస్తుతం సంకల్ప్ రెడ్డి దర్శకత్వంలో స్పేస్ నేపథ్యంలో ఓ సినిమా చేస్తున్న విషయం తెలిసిందే. ప్రస్తుతం షూటింగ్ జరుపుకుంటున్న ఈ సినిమాతో పాటు అనిల్ రావిపూడి దర్శకత్వంలో వెంకటేష్ తో కలిసి ఓ మల్టి స్టారర్ చేస్తున్న విషయం తెలిసిందే. ఎఫ్ 2 ( ఫన్ అండ్ ఫ్రేష్టేషన్ ) టైటిల్ తో తెరకెక్కుతున్న ఈ సినిమాలో వరుణ్ తేజ్ పక్కా తెలంగాణ కుర్రాడిగా కనిపిస్తాడట. బాష కూడా పక్క తెలంగాణ యాసలో ఉంటుందని టాక్.
ఇటీవలే వరుణ్ నటించిన ఫిదా సినిమా కూడా తెలంగాణ నేపథ్యంలో తెరకెక్కడం .. అందులో హీరోయిన్ సాయి పల్లవి తెలంగాణ స్లాంగ్ లో మాట్లాడడంతో సినిమా అందరిని ఆకట్టుకుని సూపర్ హిట్ గా నిలిచింది. అన్నట్టు ఈ సినిమాలో వరుణ్ కు జోడిగా సాయి పల్లవి నటిస్తుండగా.. ఇప్పుడు వరుణ్ తెలంగాణ స్లాంగ్ మాట్లాడడం విశేషం. ఈ మధ్య హీరోల్లో బాగా మార్పు వచ్చింది. ఒక ప్రాంతం నేపథ్యంలో తెరకెక్కుతున్న సినిమాలో ఆ స్లాంగ్ తో మాట్లాడి ఆకట్టుకోవడానికి ప్రయత్నం చేస్తున్నారు.
