విజయ్ దేవరకొండ కాదు వరుణ్ తేజే ‘ఫైటర్’..!

టాలీవుడ్లో ఇప్పుడు కిక్ బాక్సింగ్ కథాంశంతో రెండు సినిమాలు రూపొందుతున్నాయి.అందులో ఒకటి విజయ్ దేవరకొండ, పూరి జగన్నాథ్ కాంబినేషన్లో తెరకెక్కుతోన్న చిత్రం కాగా.. మరొకటి వరుణ్ తేజ్ హీరోగా నూతన దర్శకుడు కిరణ్ కొర్రపాటి డైరెక్షన్లో తెరకెక్కుతోన్న చిత్రం కావడం విశేషం. అయితే ఇప్పటివరకూ విజయ్ దేవరకొండ – పూరి కాంబినేషన్లో తెరకెక్కుతోన్న సినిమా టైటిల్ ‘ఫైటర్’ అని.. అలాగే వరుణ్ – కిరణ్ ల సినిమా టైటిల్ ‘బాక్సర్’ అంటూ ప్రచారం జరిగింది.

అయితే ఇప్పుడు ఈ రెండు టైటిల్స్ మారిపోయాయి అనేది తాజా సమాచారం. ముఖ్యంగా విజయ్, పూరి ల ‘ఫైటర్’ టైటిల్ ను వరుణ్, కిరణ్ ల సినిమాకి పెట్టుకున్నట్టు తెలుస్తుంది. విజయ్ దేవరకొండ హీరోగా పూరి జగన్నాథ్ కాంబినేషన్లో తెరకెక్కుతోన్న చిత్రానికి ‘ ‘ఫైటర్’ టైటిల్ కాదని.. మంచి పవర్ ఫుల్ టైటిల్ ఒకటి లాక్ చేశామని’ నిర్మాతలలో ఒకరైన ఛార్మి తెలియజేసిన సంగతి తెలిసిందే. దాంతో వరుణ్, కిరణ్ లు తమ సినిమాకి ‘ఫైటర్’ టైటిల్ ను ఫిక్స్ చెయ్యాలని డిసైడ్ అయ్యారట.

ఇందుకు పూరి, ఛార్మి ల పర్మిషన్ కూడా తీసుకున్నారట. ఏమాత్రం ఆలస్యం చెయ్యకుండా అతి త్వరలోనే ‘ఫైటర్’ టైటిల్ తో వరుణ్ తేజ్ నెక్స్ట్ సినిమా ఫస్ట్ లుక్ విడుదల చెయ్యాలని నిర్మాతలు అల్లు బాబీ, సిద్దు ముద్ద లు డిసైడ్ అయినట్టు తెలుస్తుంది. ఇక ‘దబాంగ్3’ భామ సాయి మంజ్రేకర్ ఈ చిత్రంలో హీరోయిన్ గా నటిస్తుందట.

Most Recommended Video

కృష్ణ అండ్ హిజ్ లీల సినిమా రివ్యూ & రేటింగ్
పెంగ్విన్ సినిమా రివ్యూ & రేటింగ్!
టాలీవుడ్ లో అత్యధిక నష్టాలు మిగిల్చిన పది చిత్రాలు ఇవే