Vash 2: హాలీవుడ్ రేంజ్ హారర్ థ్రిల్లర్.. అస్సలు మిస్ అవ్వకండి!

ఒకప్పుడు మంచి హారర్ సినిమాలు, థ్రిల్లర్లు చూడాలంటే హాలీవుడ్, కొరియన్ లేదా జపనీస్ సినిమాల మీద ఆధారపడాల్సి వచ్చేది. మన సినిమాలు ఎందుకో ఆ స్థాయి కిక్ ఇచ్చేవి కావు. కానీ.. ఇప్పుడు సీన్ మారింది. హాలీవుడ్ కూడా మన ఇండియన్ సినిమాల నుంచి ఇన్స్పైర్ అవుతుంది. దానికి సరికొత్త ఉదాహరణ గుజరాతీ చిత్రం “వశ్ లెవల్ 2”. నిజానికి ఈ సినిమా ఓ సీక్వెల్. మొదటి భాగం పెద్ద హిట్ అవ్వడంతో హిందీలో “సైతాన్” పేరుతో అజయ్ దేవగన్ రీమేక్ చేశాడు.

Vash Level 2

ఆగస్ట్ 27న థియేటర్లలో విడుదలైన “వశ్ 2”కి మంచి రెస్పాన్స్ వచ్చింది. కాకపోతే చాలా తక్కువ థియేటర్లలో రిలీజ్ అవ్వడం, గుజరాతీ సినిమా కావడంతో ఎక్కువమంది ఆ సినిమాని చూడలేకపోయారు. అయితే.. ప్రస్తుతం నెట్ ఫ్లిక్స్ లో స్ట్రీమ్ అవుతున్న “వశ్ 2” విశేషమైన ఆదరణ చూరగొంటోంది. వశీకరణ శక్తితో ఒక దుర్మార్గుడు సృష్టించిన హింస ఆధారంగా రూపొందిన ఈ చిత్రానికి సున్నిత మనస్కులు దూరంగా ఉండడం బెటర్.

ఇంకో ఆసక్తికరమైన విషయం ఏమిటంటే.. సరిగ్గా ఆగస్ట్ నెలలో విడుదలైన హాలీవుడ్ చిత్రం “వెపన్స్” కూడా ఇదే తరహా కాన్సెప్ట్ సినిమా. నిజానికి “వెపన్స్ & వశ్ 2”లో చాలా సిమిలారిటీస్ ఉన్నాయి. షాట్ మేకింగ్ విషయంలో ఆ సిమిలారిటీస్ మరీ స్పష్టంగా కనిపిస్తాయి. రెండు సినిమాలు ఒకే నెలలో విడుదలయ్యాయి కాబట్టి ఎవర్ని ఎవరూ కాపీ కొట్టలేదు అని స్పష్టమవుతుంది. ఏదేమైనా.. ఒక గుజరాతీ సినిమా ఇలా హాలివుడ్ స్థాయి హారర్ ఎలిమెంట్స్ & స్టోరీ టెల్లింగ్ తో ఆకట్టుకోవడం విశేషం అనే చెప్పాలి.

ఇకపోతే.. ఈ “వశ్2”లో ఈమధ్య తెలుగులో కనిపించకుండాపోయిన మోనాల్ గజ్జర్ కీలకపాత్రలో కనిపించింది. అప్పట్లో ఈ సినిమాని తెలుగులో డబ్బింగ్ రూపంలో విడుదల చేసేందుకు బన్నీ వాస్ ప్రయత్నించారు కానీ.. ఎందుకో వర్కవుట్ అవ్వలేదు. మరి ఇప్పుడు రీమేక్ చేసే ఆలోచన ఏమైనా ఉందో లేదో మరి!

వేల కోట్ల హీరోయిన్.. 35 లక్షల వసూళ్లా?