గుణశేఖర్ చెప్పిన కథపై ఆసక్తి చూపిస్తున్న వెంకటేష్

కొత్త తరహా కథలు, వైవిధ్యమైన పాత్రలు చేయడానికి విక్టరీ వెంకటేష్ ఎప్పుడూ ముందే ఉంటారు. అందుకే ఆయన్నుంచి సరికొత్త సినిమాలొచ్చాయి. ఇప్పటికీ అదే ట్రెండ్ ఫాలో అవుతున్నారు. “గురు” లో కోచ్ గా సాల్ట్ అండ్ పెప్పర్ లుక్ లో కనిపించి హిట్ కొట్టారు. ఈ మూవీ తర్వాత వెంకటేష్ కొత్తమూవీ ఓకే చేయలేదు. క్రిష్ తో ప్రాజక్ట్ అని, త్రివిక్రమ్ తో సినిమా చేయనున్నట్లు వార్తలు వచ్చాయి. అలాగే సురేష్ ప్రొడక్షన్స్ బ్యానర్లో నిర్మితం కానున్న మల్టీ స్టారర్ మూవీలో నటించనున్నట్లు గుసగుసలు వినిపించాయి. తాజాగా దర్శకుడు గుణశేఖర్ వెంకటేష్ కి ఓ కథ వినిపించారని, ఆ స్టోరీ చేయడానికి వెంకీ ఆసక్తి కనబరుస్తున్నట్లు ఫిలిం నగర్ వాసులు చెబుతున్నారు.

ఇది హిరణ్యకశిపు కథని సమాచారం. గతంలో రానాకీ ఈ స్టోరీ ని వినిపించారు. అయితే ఆ పాత్రలో తనకంటే బాబాయ్ బాగుంటారని చెప్పడంతో గుణశేఖర్ వెంకీకి ఈ కథ చెప్పినట్లు టాక్. ఈ ప్రాజక్ట్ వెంకటేష్ చేస్తారా? లేదా? అనేది కొన్ని రోజుల్లో స్పష్టం కానుంది.

Also, do SUBSCRIBE to our YouTube channel to get latest Tollywood updates.