త్రినాథ‌రావుతో సినిమాకి ఓకే చెప్పిన వెంకటేష్

గురు సినిమా తర్వాత వెంకటేష్.. పటాస్, సుప్రీమ్, రాజా ది గ్రేట్ చిత్రాలతో హ్యాట్రిక్ హిట్ అందుకున్న అనిల్ రావిపూడి దర్శకత్వంలో మల్టీ స్టారర్ మూవీ చేస్తున్నారు. మరో హీరోగా వరుణ్ తేజ్ నటిస్తున్న ఇందులో వెంకీ సరసన తమన్నా, వరుణ్ సరసన మెహ్రీన్ జంటగా కనిపించనున్నారు. దిల్ రాజు నిర్మిస్తున్న ఈ మూవీ షూటింగ్ దాదాపు పూర్తికావచ్చింది. దీని తర్వాత బాబీ దర్శకత్వంలో మేనల్లుడు నాగ చైతన్యతో కలిసి వెంకీ ఓ చిత్రం చేయబోతున్నారు. ఇందుకు వెంకీ మామ అనే టైటిల్ అనుకున్నట్టు సమాచారం. దీని తర్వాత సినిమాకి కూడా వెంకటేష్ గ్రీన్ సిగ్నల్ ఇచ్చినట్టు తెలిసింది.

సినిమా చూపిస్త మావ‌, నేను లోక‌ల్ చిత్రాల‌తో దూసుకుపోతున్న త్రినాథ‌రావు న‌క్కిన‌… రామ్‌తో తెర‌కెక్కించిన ‘హ‌లో గురు ప్రేమ కోస‌మే’ రీసెంట్ గా రిలీజ్ అయి మిశ్రమ స్పందన అందుకుంది. అయినప్పటికీ మంచి కలక్షన్స్ రాబడుతోంది. అందుకే అతని దర్శకత్వంలో నటించడానికి వెంకటేష్ ఓకే చెప్పినట్లు ఫిలిం నగర్ వాసులు చెప్పారు. కిర‌ణ్ రెడ్డి, భ‌ర‌త్ చౌద‌రితో కలిసి డి.సురేష్ బాబు ఈ సినిమాని నిర్మిస్తారని సమాచారం. వెంకీ జోరు చూసి యువ హీరోలు సైతం ఆశ్చర్యపోతున్నారు.