Venkatesh: అక్కడ విజయ్ సేతుపతి.. ఇక్కడ వెంకీ!

విక్టరీ వెంకటేష్ వరుస సినిమాలతో ప్రేక్షకులను అలరిస్తున్నారు. ఇటీవల ‘ఎఫ్3’ సినిమాతో ఆడియన్స్ ముందుకొచ్చిన ఆయన ప్రస్తుతం నెట్ ఫ్లిక్స్ కోసం ‘రానా నాయుడు’ అనే వెబ్ సిరీస్ లో నటిస్తున్నారు. ఈ సిరీస్ కి సంబంధించిన షూటింగ్ దాదాపు పూర్తయినట్లే. మరోపక్క సల్మాన్ ఖాన్ నటిస్తోన్న ‘కభీ ఈద్ కభీ దివాలి’ సినిమాలో కీలకపాత్ర పోషిస్తున్నారు వీటితో పాటు మరో సినిమా సైన్ చేసినట్లు సమాచారం. తమిళంలో సూపర్ హిట్ అయిన ‘ఓ మై కడవులే’ సినిమాను తెలుగులో రీమేక్ చేస్తున్నారు.

దీనికి ‘ఓరి దేవుడా’ అనే టైటిల్ ఫిక్స్ చేశారు. ఇందులో విశ్వక్ సేన్ హీరోగా నటిస్తున్నారు. అశ్వత్ మరిముత్తు దర్శకుడిగా వ్యవహరిస్తున్నారు. ఈ సినిమాలో దేవుడి పాత్ర ఒకటి ఉంటుంది. కథకి ఈ రోల్ చాలా ముఖ్యం. తమిళంలో ఈ పాత్రను విజయ్ సేతుపతి చేశారు. తెలుగులో దాన్ని ఓ స్టార్ హీరోతో చేయించాలని కొన్నాళ్లుగా చిత్రబృందం ప్రయత్నిస్తోంది. ఫైనల్ గా ఈ సినిమాకి దేవుడి దొరికేశాడు. ఆ పాత్ర పోషించడానికి వెంకటేష్ ఒప్పుకున్నట్లు తెలుస్తోంది.

అయితే ఎక్కువ రోజులు ఈ సినిమా కోసం కేటాయించాల్సిన పని లేదు. వెంకీ కేవలం నాలుగు రోజుల కాల్షీట్స్ మాత్రమే ఇచ్చారట. తమిళంలో విజయ్ సేతుపతి పాత్రను మూడు రోజుల్లో చిత్రీకరించేశారు. వెంకీ ఒకరోజు ఎక్స్ట్రా గా కాల్షీట్స్ ఇచ్చారు. వెంకీ ఎంట్రీతో ‘ఓరి దేవుడా’ సినిమాకి బజ్ పెరగడం ఖాయం.

ఈ సినిమాలో మిథాలీ పార్కర్ హీరోయిన్ గా నటిస్తోంది. పీపుల్స్ మీడియా ఫ్యాక్టరీ సంస్థ ఈ సినిమాను నిర్మిస్తోంది. ఇప్పటికే ఈ సినిమాకి సంబంధించిన మేజర్ పార్ట్ షూటింగ్ పూర్తయింది. వెంకీ సన్నివేశాలు కూడా పూర్తయితే ఆల్మోస్ట్ షూటింగ్ అయిపోయినట్లే!

బింబిసార సినిమా రివ్యూ & రేటింగ్!

Most Recommended Video

సీతారామం సినిమా రివ్యూ & రేటింగ్!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?