నా కొడుకు వచ్చేవరకు నటిస్తూనే ఉంటా!

తన కొడుకు అర్జున్ సినిమాల్లో ఎంట్రీ ఇచ్చే వరకు నటిస్తూనే ఉంటానని హీరో విక్టరీ వెంకటేష్ కొన్ని ఆసక్తికర కామెంట్స్ చేశాడు. మారుతి దర్శకత్వంలో రూపొందిన ‘బాబు బంగారం’ సినిమా ఆడియో ఫంక్షన్ లో ఆయన ఈ విషయాన్ని స్పష్టం చేశారు. ఇంకా మాట్లాడుతూ.. ‘నేను ఇండస్ట్రీకు వచ్చి అప్పుడే 30 ఏళ్ళు అయిపోయిందా అనిపిస్తోంది.

గత 5 సంవత్సరాలుగా సినిమాలు తగ్గించలానుకున్నాను. కానీ కుదరలేదు. మారుతి చెప్పిన కథ నచ్చి నటించాను. ఈ సినిమాతో మరో 15 ఏళ్ల వరకు సినిమాల్లో నటిస్తూనే ఉంటాననిపిస్తోంది. ఇక ఈ సినిమా తర్వాత పెళ్లి కానీ ప్రసాద్ అంటారో.. లేక బాబు బంగారం అని పిలుస్తారో.. మీ ఇష్టం అంటూ అభిమానులకు ఉత్సాహాపరిచాడు. అలానే అభిమానిగా నేను వెంకటేష్ గారిని ఎలాంటి సినిమాలో చూడాలని కోరుకుంటానో.. అలాంటి సినిమాను రూపొందించానని దర్శకుడు మారుతి తెలిపారు.