వెంకటేష్ సరసన మూడోసారి నటించనున్న శ్రియ

నేటి తరం హీరోయిన్లలో ఎక్కువ కాలం పరిశ్రమలో కొనసాగిన వారి పేర్లు చెప్పమంటే.. ఆ జాబితాలో ముందు వరుసలో శ్రియ పేరుంటుంది. ఆమె టాలీవుడ్ లోకి అడుగుపెట్టి పదిహేనేళ్లు అవుతోంది. తెలుగులో సీనియర్ హీరోలతో పాటు, యువ హీరోల పక్కన నటించి విజయాలను సొంతం చేసుకుంది. ఇప్పుడు జోరు తగ్గింది గానీ అవకాశాలు మాత్రం వస్తున్నాయి. తాజాగా మరో మంచి ఛాన్స్ అందుకున్నట్లు తెలిసింది. గురు సినిమా తర్వాత వెంకటేష్.. తేజ దర్శకత్వంలో నటిస్తున్నారు.

“ఆట నాదే.. వేట నాదే” అనే టైటిల్ పరిశీలిస్తున్న ఈ సినిమాని సురేశ్ ప్రొడక్షన్స్, ఎ.కె. ఎంటర్‎టైన్ మెంట్స్ సంయుక్తంగా నిర్మించనున్నారు. నారా రోహిత్ కీలక రోల్ పోషించనున్న ఈ మూవీలో హీరోయిన్ గా మొదట అదితీరావు హైదరీని అనుకున్నారు. కానీ తాజాగా శ్రియని వెంకీకి జోడీగా ఫిక్స్ చేసినట్లు తెలిసింది. “సుభాశ్ చంద్రబోస్”, “గోపాల గోపాల” సినిమాల్లో శ్రియ, వెంకటేష్ కలిసి నటించారు. ఇప్పుడు మూడో సారి వెండితెరపై కనువిందు చేయనున్నారు.